雖然我病到九彩，但早前約了男主角的同學團拜飯聚就無論如何都要出席，因為我總覺得人生中有相識廿幾年的朋友真的十分難得。為了加強一下新年氣氛，我又整桔仔，而今次我仲搞搞新意思，燈燈燈凳．．．就是加入了用朱古力做的“椗”，同埋試用年糕和南瓜蓉做餡。Ｄ桔仔有枝有葉，好搞野！昨天一做就做了55隻，原先打算今早返Choir時請大家吃的，但因為感冒未清，加上要去跌打師傅度覆診，所以今天無返到去呵！或者下次有機會整比Choir的兄弟姐好吃呵！
今次除了用搓到圓碌碌的蓮蓉外，還有切到一粒粒的年糕（在相中右上角的地方），這個含環保概念的餡當然是我想出來的啦！味道不錯呢！
這是南瓜蓉做餡，清清的南瓜味加上淡淡的甜很適合不嗜甜的我，Good！
今次我把南瓜先蒸到熟透才混入的粉中，更易搓出這樣的粉團，可惜由於蒸透的南瓜有大量的水份，令我要不斷加麵粉和糯米粉令粉團乾身一點，結果做了55隻桔仔，比計劃的36隻多了很多。
為分別餡料，我分別用了兩片葉放在同一邊的是年糕餡，有詳細葉紋的是南瓜蓉餡，只有一條葉脈的是蓮蓉餡。
大功告成！我覺得整這個桔仔好好玩呀！下次用咩做餡好呢？代媽提議用紅豆蓉，唔知夾唔夾到呢？搵次又試下先！
你好!!請多多支持!!
回覆刪除「村」所寫的《飲飲食食事件簿》， 食譜圖文並茂，每個程序都有詳細的資料 。大家就算完全唔識煮飯，只要照跟著BLOG中的示範去煮，煮出一模一樣的餸真是毫無難度。呢到有食譜分10大種類，連海鮮都有，應該可以幫你解決煩惱。
果然努力研究大吉饀，你好返d未!!
回覆刪除[版主回覆02/18/2008 11:03:00]好過昨天，但仍然勁包雲吞！今次隻菌好勁呀！
好想試食呀！
回覆刪除[版主回覆02/20/2008 13:22:00]有機會整比你食啦！