湯包第二擊─猴頭菇鯊魚骨湯

昨天傍晚打去雞檔

訂了一隻細細的康保雞。原本我是打算訂嘉美雞的，可惜剛巧售罄，不過檔主話康保雞一樣得，相比嘉美雞會較廋及雞味濃陏芸芸

！又好，即管試試。結果果然和嘉美雞一樣唔多油。至於有無雞味，我就未知事關用咗來煲湯。

其實之前煲湯都是用豬展，今次試下用雞來煲。﹝註：雞貴過豬展，我通常會用半斤豬展來煲湯，約$26。而今次我用咗半隻雞來煲，要差不多$50架﹞

這個湯包有猴頭菇、鯊魚骨、百合、黃芪、蜜棗、陳皮。而我自己除了用半隻康保雞來煲外，就再加多兩粒蜜棗和响螺頭。但就偏偏忘了放薑！激死！

這兒教，猴頭菇用水浸15分鐘便可，但實驗証明，浸15分鐘是不足夠的，浸45分鐘至1句鐘就差不多。

功效好似好勁咁，不過對於我和男主角來說，好味最緊要，如果加埋有益當然更好啦！不過今次我用高速煲煲了約25分鐘，好似唔多夠，下次我會試下煲多15分鐘，睇下會唔會好一點。我最近發現用高速煲煲老火湯都係差少少，不過如果把煲湯放過夜，第二日放工才翻熱飲，會入味好多，所以我昨晚都係飲咗少少留返今晚飲。

浸飽水的猴頭菇好似海綿咁。

湯包一包分好，乾淨衛生，讚！

試味報告：我覺得好似用豬展煲湯好味過用雞，唔知同我忘了放薑有無關係？

Tweet