俗語有芸：「工欲善其事，必先利其器」。作為一個100分或邁向100分既出得廳堂入得廚房的現代女性﹣﹣即係我。有一套靚Ｄ既廚房用的私家刀有咩問題先？！
早幾日和男主角在Sogo見到下面的一套刀，十分喜歡，其實一早都想換過哂Ｄ刀，因為之前用咗幾年的刀是信用咭送的，不是太好用。適逢將近新居入伙，換下Ｄ新野用幾好Ｙ！當然見我寫得這篇Blog就知道我比人拒絕咗啦！真泄氣！
男：男主角；我：我
男：用２千幾蚊買套刀在廚房用好似貴咗Ｄ喎！其實我地係唔係應該要留返Ｄ錢用在更有需要的地方呢？又話你要買過個琴？這２千幾用來買琴會唔會仲好呢？（我：個琴要兩萬幾呀
）又話要買過部notebook？或者多２千幾蚊budget可以買部好Ｄ喎！
我：係係係係！我仲想買個真空煲／高速煲用來煲湯添。但而家人地減價有６折喎！仲有１套價值$1400既6人餐具送喎！discount做到７號咋喎！我想換刀喎！．．．
男：你想換就買啦，不過入伙真係好多錢要洗喎．．．
我：．．．．．．．．．．．．．．．．．．唔買囉！
套刀個刀架係打橫的，方便風乾，其實都幾實用Ｙ。好叻咩？！唔買未唔買囉！唓！唔比買我都要影低佢做留念呀！
$2,399真係好貴咩？！這個牌子的刀好耐用喎！刀是跟據人體工學設計的唔易累喎！橫放的刀架好有型喎！唔怕Ｄ水up住會發霉喎！有個針板仔喎！有６折喎！有６人餐具送喎！
２月２日updates：事情有新進展，欲知後事如何可到私家刀﹣﹣延續篇睇睇。
唔買囉！ ―― 的確讓我感到那份我們孩提時代央求父母買自己心頭好而不果 ， 很可愛呢 !
回覆刪除[版主回覆02/01/2008 09:47:00]我唔濟呀！
高速煲真係要買，係笨b媽媽個到講過非常方便好用!!
回覆刪除[版主回覆02/01/2008 11:14:00]真空煲同高速煲各有各用途，我而家仲諗緊買邊個先！
相信我將來也會跟「男主角」一樣: 『用２千幾蚊買套刀在廚房用好似貴咗Ｄ喎！其實我地係唔係應該要留返Ｄ錢用在更有需要的地方呢？又話你要深造整蛋糕？這２千幾用來學整蛋糕會唔會仲好呢？又話要買過部焗爐？或者多２千幾蚊budget可以買部好Ｄ喎！』
回覆刪除[版主回覆02/01/2008 11:15:00]男人？！洗唔洗咁實際呀！
唔係男人唔男人wor~ 我都認同用2千幾蚊買set刀又要係貴左d wor.... 不如... 你去小d sogo啦~ sogo d 野係好靚~ 不過就貴左d law~ 其實, ikea d 野咪幾靚~ 佢d力都ok好用呀~ 再唔係, 唔好買一set law, 買一把, 有個套果d 可以放起drawer. 2千幾蚊wor~ 真係好貴wor~ 深水埗都有這個牌子買. 等我去同你留意下咩價錢丫~
回覆刪除[版主回覆02/01/2008 12:26:00]套刀真係好靚喎！
是現實, 還是踏實 (抑或笨實 ), 只是觀點與角度吧!
回覆刪除[版主回覆02/01/2008 12:27:00]我唔濟呀！
其實真係唔洗咁貴架... 況且睇下你點用, 如果你係斬崩刀, 咁就孖人牌都咁襟用啦... 去家品店買把全店貴少少既全鋼刀得架喇...
回覆刪除[版主回覆02/01/2008 12:27:00]我唔濟呀！
我覺得你可以搵Meling 講, 佢實會企响你果邊架!!
回覆刪除[版主回覆02/02/2008 00:31:00]點解呀？因為佢好鍾意買野？
我都睇咗哩套刀好多次都唔捨得買呀，真係幾好ga.
回覆刪除[版主回覆02/02/2008 00:32:00]係！我好鍾意呀！今日男主角買咗比我喇！好開心呀！