有睇尋Pet door的朋友都知我正在為尋找Pet Door而煩惱。得老友倆公婆拔刀相助，介紹我和男主角到了這間名叫"FuturePets.Com"既網上寵物用品公司找找，有關問題一並解決，剩下的只是如何可以減低運費的支出﹝正一師奶仔﹞。不過睇怕都無咩計，因為要從老遠的美國運送貨件，可觀的運費是少不免的。但既然錢可以解決問題，那就不要多想了，對嗎？
今次除了主力找Pet Door外，我亦掙扎緊是否把以下的物品一同選購給小鬼們。可知要一次過用那麼多錢，感覺實在有點肉痛，或者有些可以遲些再補購吧。我們都發覺在其他國家的寵物用品遠比香港的多、平﹝可能加埋運費會同香港的差不多價錢，我預計運費約產品價格的1/3至1/2﹞和實用。我想是香港的寵物用品市場太細，沒太多的寵物用品公司願意投資吧。
以下是我睇中的東西，有與趣又或者有需要的朋友可以一起訂購，唔知一齊訂會唔會有著數呢？！
Staywell Deluxe Large Dog Door #860，USD96.95，約HK$755，加埋運費，我預計約HK$1100-HK$1200，雖然比咁多運費好像有點唔低，但在香港真的很難找得到，現在找得著總算解決了問題。這個牌子有另一個model是有紅外線感應功能的，狗狗經過時會自動開門﹝只會開門給狗狗，事關狗狗身上會有一個感應器，那就不會係又開唔係又開﹞，感覺好high tech.呀！
Leather Dog Boot, Lg，USD11.29，小鬼之前去東平洲，如果有這雙型仔皮boot，可能減低弄破皮的機會呀！約$88四隻，平過香港好多好多，如果連埋隻門一齊寄到香港，分分鐘唔洗extra比運費添，有得諗喎！
Sierra Backpack; Black/Gray, Med，USD33.99，我和男主角都很喜歡這個型仔背包，不過要成HK$270﹝未計運費﹞，好像有點貴，咁點好呢？！
Self-Contained Dog Hydration BackPack - dogs under 50Lbs，USD13.99，這個水袋好有用呀，有約1.66升的容量，可儲足夠的水同小鬼去行山呀。約HK$109﹝未計運費，但相信不會太貴，事關應該唔會好重﹞。雖然無型仔背包咁型，但好像比較實用喎。
Canine Camper Day Tripper 37" x 25" x 28" H，USD72.99，打算用這個當新地的新居，不過計起上來要成HK$568，加埋運費可能要成千蚊，好像有點貴喎！
Pigs Ears,100 pk，USD54有一佰隻，這是拖肥的最愛食品，計起約HK$4.3一隻，即使當要加一個倍價錢做運費都比香港的平，但唔知狗食的豬耳能否入口呢？
Zones Instant Pet Barrier Kit with 1 Zone，USD69.99，這是用作防止狗狗到一些你不準牠去的地方，不過不是用欄來阻檔牠們，而是用radio signal，因為狗狗的感觀範圍和人類的是不同的，用一些只有牠們才能感應到的radio signal來做成一個無形的圍欄是一個不錯的辦法呀！
其實這個網站還有很多寵物用品，主人不防上去看看呀，正所謂唔買都可以睇下架。
「豬耳」街市有售個d??
回覆刪除[版主回覆01/09/2008 15:23:00]係呀，不過比狗狗食的會先做D消毒、風乾等才出售呀！
背包會唔會對佢地有好大負担呀? 佢地要幫主人拎自己野。
回覆刪除我聽過有樣野係可以防止狗隻勁吠, 不過好殘忍。其實係一個頸圈, 當愛犬吠既時候就有少少電流通過, 咁樣就可以防止佢地吠, 不過我覺得咁樣好殘忍呀。
[版主回覆01/09/2008 18:16:00]唔會好大負担咋，大個仔、大個女要自己拎野架喇！
我都覺得用電佢這種方法防止狗吠好殘忍，特別是我這種咁喜歡講野的人就更明白，唔比人講野巳經好慘，仲要搵電電我！好慘！
好在我兩隻小鬼暫時無勁吠的問題，不過如果真係有，這個方法都總好過唔要佢地。所以係香港養寵物真係有好多限制，養之前真係要諗真D！
豬耳..... =.=" 原來佢地鍾意食耳仔既.... eeeeeeeeeeeeeeeeee~ 我諗起貓少隻耳仔呀~ eeeeeeeeeeeeeeeeeeeeee~
回覆刪除其實你地買咁多野... 不如book張機票去買好過啦~ 兩日一夜~ motel US$50一晚~ 住d山卡啦地方仲平d添~ 如果搵到即日來回仲good~ 酒店都唔洗~ hahahaha
[版主回覆01/10/2008 00:07:00]即日來回？！唔㚥玩啦，搭飛機都用咗廿幾個鐘啦！仲有呀，邊有咁多假呀！其實以上除咗度門係必買之外，其他的都可以遲Ｄ買或者唔買都無問題，shopping既野一日未比錢，一日都可以睇下唔買加嘛，right？ 今日weekend會去旺角勝利道睇下有無收獲先至決定幾時落單。