今早因為追巴士，一個唔留神就咁就坳到隻右腳腳腕，然後痛到起唔身，好彩有個女仕第一時間走來扶起我，等我唔洗咁狼狽。不過那一刻痛到標眼水，根本無法站起來，更加無能力理會狼狽不狼狽。後來我一個人坐在馬路邊一會兒，打算抖一會再作打算，跟住就有另一位女仕見我右腳腳腕腫到成個網球咁，佢好主動咁問洗唔洗扶我去睇跌打。由於當時的我不知自己傷勢的嚴重程度，想過先讓西醫診斷後再作打算會好一點，所以惋拒了她的好意。不過在這種十分狼狽的情況下，有好心人伸出援手，感覺好好多。其實香港人都唔係好冷漠啫。
後來我自己坐了陣，發覺都係痛到無法起身，連行幾步都唔得，在無計可施的情況下，唯有打999 call白車。就係咁，我就比人抬咗入瑪麗醫院急症室。
好彩照咗Ｘ光後知無斷骨，為了方便走動，我買了一支柺杖，一柺一柺咁返屋企。因為的士站太遠，於是我就上了小巴回家，當時車上又有另一位女仕，見我揸住柺杖柺下柺下咁，就第一時間讓咗個近門口的位置給我座。又一次遇到好心的香港人。這令倒霉的我，感覺到一點點的溫暖。雖然我不認識這三位女仕，但我都好想在此鄭重地向她們道謝一下。謝謝你們的幫忙。
現在好似消了一點腫，希望快些好返吧！真論盡！
OH!睇見都覺得好痛呀！
回覆刪除你今個周未要好好休息，快ｄ好返喇！
香港地俾你一次過遇到三個好心人，都好難得架喇，我次次响街PK都無人理架！
[版主回覆01/05/2008 17:18:00]我都覺得能在一天中遇到三個好心人，認真好彩呀！唔好 ，其實好心人周街都係，你始終會遇到的，哎吔！睬！如果你唔再唔小心PK，咁就有無好心人都無所謂啦！ 我今早覺得隻腳好鬼痛！痛到落唔到床呀！不過就真係無昨天咁腫，希望真係可以快Ｄ好返啦！要好動的我只能留在家好慘呀！
現在好d未??紮到成隻豬腳咁，你唔好週圍走乖乖地休息!!其實香港都有d好心人，不過有d真係好無禮貌!!
回覆刪除[版主回覆01/05/2008 17:22:00]今早就勁痛，現在好多了！謝謝你的慰問呀！
在電話中聽妳說得輕描淡寫, 沒想到原來這麼嚴重!
回覆刪除[版主回覆01/05/2008 17:23:00]OK的，我應付得來的！
咩大獲呀乜搞到~~~
回覆刪除我星期四都打999黎.... 事原係放工經過遊艇會對面, 見到有個人著好小衫訓左起地下(仲訓得好奇怪下)... 你知啦~ 天氣凍... 咪走埋去叫下佢睇下佢咩事law... 叫左幾聲都冇反應... 我以為佢死左/暈左... 咁我打999啦~ 點知... 同師姐講左兩句... 果個人突然起身... 仲露左何B仔出來添... 嚇到我成個人彈開... 大驚之下... 同999報案中心個師姐講左一句... "佢露械呀~ 我好驚呀~ 你快D搵人黎啦~"
之後有個警察打比我... 問我佢對我做左D咩.... 我先知我比錯料... 其實佢只係放佢出來抖下氣je~ 佢唔係有心比我睇既我估....
不過真係好驚... 夜晚仲發惡夢添呀~~~
唉~ 香港地... 好人都唔係咁易做架jar~
[版主回覆01/05/2008 17:26:00]係啦！真論盡呀！
你身體一向都好，應該好快會好番... 不過最辛苦將會係好番同未好番之間果種唔係十分痛又yimyim悶悶感覺...
回覆刪除[版主回覆01/05/2008 17:28:00]我都有點担心會有手尾呀，所以打算等消腫後找呀“黎根”睇下。希望會好點啦！
唔怕, 天主會保佑你, 你會好快好的, 悶果時咪玩下拖肥同新地, 佢地一定比到好多歡樂你。
回覆刪除[版主回覆01/05/2008 19:35:00]謝謝你的祝福，至於兩隻小鬼，佢地會好開心點解我會成日在家陪牠們囉。
昨晚才看到這個網誌，真不好意思 。你点呀？好Ｄ未呀？保重呀！
回覆刪除祝早日康復。
[版主回覆01/07/2008 14:48:00]洗咩唔好意思啫。多謝你的慰問，我而家好返好多喇！這幾天的病假當比自己偷下懶囉！
Why didn't you call 男主角 when you hurt? But I am sure calling ambulance by 999 is more efficient.
回覆刪除[版主回覆01/07/2008 15:59:00]他在“無雷公”咁遠，call得佢黎我諗我應該痛死咗囉！ 在這些非常時期叫白車，我相信都係一個啱既決定，不過學我妹話齋有點“law”囉！ 當時在醫院座輪椅的，個個都七八十歲，得我一個“候”生既打壞！真“law”！