裝修進展

今晚在得返９度的氣溫下，我和男主角倆夜ma ma走去小屋巡視一下進度。小屋的磚巳經鋪好，so far so good，但有點意外發生了，大家再睇落去就知道：

﹣ 小鬼的企缸，鋪出來的效果和想像中的一樣，不俗呢！（左圖：鋪磚後；右圖：鋪磚前）

﹣ 睡房，都鋪好了，將來我們會在上面加建地台，所以而家見到的地方將被蓋過。（左圖：鋪磚後；右圖：鋪磚前）

﹣ 客房﹝應該是書房﹞，各位意外就出在這間房內，有無發現房中間位置的磚是淺了色，聽講是因為磚地損耗比預期多，這些淺了色的磚就是加了單的磚，激死！都唔明點解２佰幾蚊１塊磚既quality咁唔穩定！個師傅做既時候又唔出聲，其實咁大差別，我覺得我地係可以唔收貨或者要求換的，但而家都鋪咗，間磚鋪又點會理你Ｙ！不過我地個設計師都話會去投訴！而家唯有要叫個師傅小心“界”返Ｄ磚出來然後同Ｄ啱色既對調啦。真係睇少陣都唔得！（左圖：鋪磚後；右圖：鋪磚前）

Tweet

清蒸石蚌

記憶中，我好像只是蒸過2次魚，2次有份食的幸運兒都是男主角。第一次，條魚是在百Ｘ買的，可能死了很久，所以極腥，難為男主角仍然成條食哂，真比面。而今次是我的第二次，今天放工後，我特地在網上抄好清魚的做法和材料，然後到灣仔春園街附近的街市買一尾游水魚，結果今次味道不錯，只是有少少蒸耐咗，希望下次時間會掌握得好一點。

這是男主角拍的大特寫，好像好好味，事實都不差的！

材料：（２人份，約620卡路里*）

1. 石蚌１條（這條約10兩）＜﹣﹣ 約290卡路里


2. 鹽


3. １湯匙油 ＜﹣﹣ 135卡路里


4. 蔥，切段及１開２

蒸魚豉油：

1. １湯匙油 ＜﹣﹣ 135卡路里


2. ２湯匙豉油


3. ２茶匙糖 ＜﹣﹣ 約60卡路里


4. 薑絲４片切絲

做法：

1. 用清水洗淨魚內外的血塊，用約２茶匙的鹽抺勻魚內外，醃約10分鐘；


2. 蔥白切段放碟底，以防止魚黐碟；


3. 把魚洗淨，放於蔥上；


4. 水滾放魚，然後大火蒸７分鐘（魚販叫我蒸7分鐘，不過我自己唔覺意蒸咗10分鐘，所以有點over cooked，果然7分鐘應該係剛好的）


5. 淋上蒸魚豉油；


6. 放上蔥在魚面；


7. 燒熱１湯匙油，淋在蔥上，即成。
   

在蒸魚時，預備蒸魚豉油：

1. 燒熱１湯匙油；


2. 爆香薑絲；


3. 加入２湯匙豉油和２茶匙糖快少，然後熄火；（記得要快手，否則好快燶）。

後記：
我是一個３分鐘熱度的人，近期我的熱燒到烹任上。因為要為不斷增肥的我和男主角好好控制一下飲食，自己煮的確比較容易控制份量和成份，我相信這是減肥，keep fit好方法。加上新居的廚房比現居的大，多希望能好好善用新居的廚房，那就由現在開始努力學習一下啦！

註：想知咩野係石蚌可以去苯B媽媽個Blog度睇下，佢有講過架，按此。另，*所有卡路里是從網上找來的，未必絶對準確，但仍可作參考之用。

Tweet

壽司廣

嘩！好驚訝！我竟然在我的Blog中找不到一篇有關我的至愛日本料理店﹣﹣壽司廣的文章！真大意！今日我就要為大家介紹一下才行。壽司廣有兩間店一間在銅鑼灣，一間在尖沙咀。兩間我都有去過，質素一樣高。這是一間頗高級的日本料理，用料十分新鮮，可惜太貴，我和男主角都捨不得用上千多元吃一頓晚餐（很久之前吃過一次，因為太肉痛，根本吃不出好味與否！真浪費！），幸好它有提供較經濟的午市套餐。雖然每人要花佰多元吃個一個午餐都有點豪，但絕對是超值之選，偶然在此開餐，好滿足呵！

這個是我最愛的９件壽司套餐，$120+10%，有８款壽司＋２件甜蛋＋６件小卷；壽司款式由壽司師傅決定，所以每次都未必相同，不過多數都會有我最愛的海胆。因為用料新鮮，我幾乎次次都抵檔不了它的誘惑，yummy yummy！如果想自己話事選擇壽司，那就可以點一個可自選16款壽司的套餐，$250+10%。我從未試過點這個餐，因為份量似乎多了點，除非當天的戰鬥十分強勁，否則我都不會點這個，雖然真的有心動過！

這個是我有一次和朋友Ｎ小姐和Ｃ小姐影完畢業相後的飯聚內所點的魚生飯，$120+10%，這機乎是我絕無緊有的壽司餐以外的選擇。其實味道也是ichiban的！只不過我對壽司有種解不開的情意結吧了。（註：因為這天前，我在二天內吃了３餐壽司，所以才抵受到它們的壽司餐的誘惑而點了這個水準十分高的魚生飯。）

﹣ 再給大家一個大頭相：魚生飯 ﹣﹣ 飯，醃菜及海胆；

﹣ 大頭相：魚生飯 ﹣﹣ 魚生，好新鮮，可見到那粒大到不得了的帶子嗎？

其實在這兒大多數的午市套餐都有這個滑滑的茶碗蒸及前菜，左面那小小的碟子內的就是前菜，而且每次都不同，這次是醃大根絲，好開胃，清新呢！

給大家一個茶碗蒸的大頭相，因為男主角不喜愛吃蒸蛋，所以次次我都可以食埋他那份！

味噌湯，在日本料理中這個味噌湯是不可缺少的呵！

其實每個set都包有生果和熱咖啡或熱奶茶，味道都不錯的。今個星期六（2 Feb）我約了老爸和老媽一起去吃，好期待呢！草苺小姐，你有與趣一起來嗎？

Tweet

修腳甲

昨天早上一起來突然頭痛到死咁濟，搞到連Choir例會都缺席，真是十萬個唔好意思。之後飲了兩杯盒仔茶，好返Ｄ，都頂住去咗下午的Join Choir練歌，不過郤越唱越頭痛，差點想嘔。是我在睇學友演唱會時著涼了？還是我前晚沒有蓋好被？真是無從稽考。
練歌後立即買杯熱朱古力飲，原來之前聽聞朱古力有舒緩頭痛功效是真的，的確有點作用。之後如期約了睡寶寶，微微公主和Meling去修甲，這個免費修甲服務是Meling的生日禮物，我是滔她的光才有機會一試的。記憶中這是我第二次修腳甲，第一次是在我結婚前兩天，妹妹堅持要我為一生人一次的婚禮好好裝扮一下，於是被她帶到她的家中由她的好友替我修手甲和腳甲，妹妹的朋友是一個專業的美容師，雖然在一個不專業的地方進行，但感覺都ok架！
但今次是第一次到這些Spa做修甲，原來都可以這樣舒服的，坐在按摩椅上relax relax，頭痛似乎又再減輕了一點。真是多謝睡寶寶和Meiling給我這次難得的經驗呀！

註：這間Spa在中環聚賢居地下，但我忘了它的名字，很喜歡她們沒有sell你任可東西（我從不去美容院，一來我懶，二來是怕她們那hard sell得恐佈的臉孔），而且表現專業，如果下次想起修甲或做Spa，可能我都會再來呢。

Tweet

大長今減肥餐單

第 一 日
早 餐 ： 窩 蛋 一 隻 + 白 粥 一 碗 。
午 餐 ： 蕎 麥 麵 一 碗 （ 配 金 針 半 碗 、 海 帶 幾 片 、 豆 腐 一 磚 ， 可 作 冷 麵 或 湯 麵 。 ） + 蘋 果 一 個
下 午 茶 ： 士 多 啤 梨 味 或 奇 異 果 味 低 脂 乳 酪 一 杯
晚 餐 ： 椰 菜 兩 碗 配 雞 肉 二 （ 少 油 炒 ） + 白 飯 半 碗 + 奇 異 果 一 個
註 冊 營 養 師 Edwin 評 ：
「 早 上 吃 白 粥 可 通 便 ， 晚 上 吃 椰 菜 能 補 充 維 他 命 及 纖 維 。 」

第 二 日
早 餐 ： 香 蕉 一 隻 + 脫 脂 奶 一 杯
午 餐 ： 大 蒜 少 量 配 斑 球 三 （ 少 油 炒 ） + 白 飯 半 碗 + 橙 一 個
下 午 茶 ： 脫 脂 奶 一 杯
晚 餐 ： 蕪 菁 幾 棵 配 瘦 肉 碎 二 ， 煮 為 兩 碗 粥 + 蘋 果 一 個
註 冊 營 養 師 Edwin 評 ：
「 今 天 的 脫 脂 奶 能 補 充 蛋 白 質 ， 大 蒜 及 蕪 菁 能 令 菜 味 道 更 香 濃 。 」


第 三 日
早 餐 ： 多 士 兩 塊 （ 少 許 牛 油 ） + 脫 脂 奶 一 杯
午 餐 ： 雞 髀 炒 蕎 麥 （ 紅 蘿 蔔 半 條 ， 洋 蔥 四 分 之 一 個 ， 去 皮 雞 上 髀 一 隻 ， 椰 菜 四 分 之 一 個 ， 大 蒜 半 棵 ， 松 子 七 粒 ， 加 蕎 麥 粉 炒 成 一 碟 。 ） + 粥 兩 碗
下 午 茶 ： 橙 一 個
晚 餐 ： 蕎 麥 麵 一 碗 （ 椰 菜 一 碗 ， 海 帶 一 片 ， 牛 肉 二 ） + 蘋 果 一 個
註 冊 營 養 師 Edwin 評 ：
「 第 三 天 減 肥 餐 應 吃 味 濃 一 點 但 仍 健 康 的 食 物 ， 令 減 肥 者 信 心 持 之 以 恆 。 」

第 四 日
早 餐 ： 士 多 啤 梨 味 或 奇 異 果 味 低 脂 乳 酪 一 杯 + 克 力 架 餅 六 塊
午餐 ： 椰 菜 炒 蕎 麥 （ 豆 乾 半 碗 ， 甜 紅 椒 四 分 之 一 個 、 西 芹 一 棵 、 海 帶 幾 片 、 椰 菜 四 分之 一 個 、 鮮 冬 菇 兩 隻 、 蕪 菁 三 棵 ， 加 蕎 麥 粉 ， 少 油 炒 ） + 白 飯 半 碗
下 午 茶 ： 香 蕉 一 隻
晚 餐 ： 炒 椰 菜 （ 椰 菜 一 碗 ， 魚 片 三 ， 喬 麥 粉 兩 茶 匙 油 炒 ） + 粥 兩 碗 + 奇 異 果 一 個
註 冊 營 養 師 Edwin 評 ：
「 早 餐 至 下 午 茶 吃 素 一 點 ， 晚 上 補 充 魚 肉 蛋 白 質 ， 保 持 營 養 平 衡 。 」


第 五 日
早 餐 ： 低 糖 高 鈣 豆 漿 一 杯 + 麥 包 一 片 + 松 子 十 粒
午 餐 ： 雞 柳 蕎 麥 麵 （ 大 蒜 炒 雞 柳 二 、 喬 麥 麵 半 碗 ） + 木 瓜 粒 一 杯
下 午 茶 ： 西 柚 半 個
晚 餐 ： 椰 菜 烏 冬 （ 瘦 豬 肉 片 三 ， 烚 椰 菜 兩 碗 ， 烏 冬 大 半 碗 ）
註 冊 營 養 師 Edwin 評 ：
「 繼 續 吃 蕎 麥 麵 有 助 保 持 吸 收 低 卡 路 里 ， 持 續 吃 椰 菜 也 有 助 排 水 通 便 。 」


《 大 長 今 》 減 肥 餐 單 曝 光 ！
註冊 營 養 師 Edwin 特 別 利 用 《 大 長 今 》 內 的 六 大 食 品 ， 為 《 便 利 》 讀 者 設 計 出 一 套 減肥 餐 單 ！ 他 說 ： 「 此 餐 單 每 天 的 卡 路 里 只 在 1000 至 1200kcal 間 ， 也 可 以 去 水 腫 ，對 於 一 般 學 生 或 OL 來 說 ， 五 天 可 減 去 2 至 3 磅 。 餐 單 中 營 養 平 衡 十 分 足 夠 ， 各 讀者 可 吃 得 放 心 ！ 」

真 人 測 試
中六 學 生 測 試 員 Cindy ， 今 年 18 歲 ， 身 高 4 呎 10 吋 ， 屬 小 骨 架 型 ， Edwin 指 出 這 高度 的 女 子 正 常 應 是 88 磅 ， Cindy 卻 有 97.8 磅 ， 比 正 常 體 重 超 出 近 10 磅 。
Cindy 說 ︰ 「 我 都 知 自 己 比 較 肥 ， 也 想 過 節 食 減 肥 ， 但 不 知 如 何 吃 才 可 吃 得 健 康 。 」 Cindy 說 。 結 果 ， 試 過 五 天 《 大 長 今 》 減 肥 餐 單 後 ， Cindy 體 重 減 輕 了 2.5 磅 ！ 「這 幾 天 排 便 暢 通 了 ， 小 便 也 較 頻 密 ， 食 物 比 想 像 中 好 吃 ， 不 是 淡 而 無 味 的 ！ 不 過 最痛 苦 是 不 可 亂 吃 零 食 。 我 一 定 推 介 我 的 同 學 吃 此 餐 單 ！ 」


http://168crystal.com/cgi-bin/topic.cgi?forum=25&topic=148

Tweet

27 Jan - 2 Feb 2008

2008年1月27日，星期日

早：雞湯飯﹝200卡路里﹞

午：車厘子﹝約50卡路里﹞

晚：嘉美雞粥2大碗﹝約200卡路里﹞，芝士波波6個，雙重芝士包1小個，芝士煙肉法包1大個﹝約700卡路里﹞

零食：熱朱古力奶1杯﹝約300卡路里﹞

共：1450卡路里

運動：無

後記：有時真係唔可以餓太久，否則會不自覺地吃得更多！

2008年1月28日，星期一

早：脫脂奶麥皮﹝200卡路里﹞

午：芝士火腿，番茄，青瓜三文治﹝337卡路里，42+35+260﹞

晚：海南雞白米糙米飯1大碗，金銀蒜蒸粉絲帶子2隻，油麥菜﹝590卡路里，500+70+20﹞

零食：2塊黑糖方包﹝260卡路里﹞，朱古力1粒﹝26.4卡路里﹞

共：1413.4卡路里

運動：無

註：以一茶匙油有45卡路里計算

後記：無

2008年1月29日，星期二

早：菠蘿﹝半片﹞火腿﹝3/4塊﹞芝士黑糖方包﹝218.25卡路里，20+26.25+42+130﹞

午：雲吞嘉美雞：雲吞1粒、雞肉小許、小棠菜半碗、金華火腿2小片、乾瑤柱仔小許，紅米白米飯1碗﹝309卡路里，34+10+10+10+5+240﹞

晚：清蒸石蚌，韭菜花炒雞珍，紅米白米飯１杯﹝565卡路里，207+118+240﹞

零食：豬扒包，熱朱古力，綠茶凍１小杯﹝我估500卡路里，300+200+6.5﹞

共：1600卡路里

運動：無

後記：無

2008年1月30日，星期三

早：脫脂奶麥皮﹝200卡路里﹞

午：海南雞飯：嘉美雞2件、白米糙米飯1/2碗，油麥菜1碗﹝340卡路里，200+120+20﹞

晚：牛油全麥包2片，牛展4片，炸菜雞腎半包，雲吞雞湯1大碗﹝590卡路里，270+150+150+20﹞

零食：starbucks 奶茶1大杯﹝300卡路里﹞，桂元紅棗茶﹝150卡路里﹞，夏威夷果仁2oz﹝40卡路里﹞

共：1670卡路里

運動：無

後記：今日好凍中午見到office樓下個board display 得返9度！所以忍唔住買了一杯熱奶茶暖身，果然天冷減肥更難！

2008年1月31日，星期四

早：脫脂奶麥皮﹝200卡路里﹞

午：全麥包2片，芝士1片，火腿1片，菠蘿半塊，青瓜、蕃茄﹝277卡路里，180+42+35+20﹞

晚：雲吞冬菇水晶粉（約362卡路里，3*34+20+240）

零食：肥死人藍莓芝士糕一件﹝我估400卡路里﹞

共：1239卡路里

運動：無

後記：其實食咗下午茶，基本上係無咩Quota可以食一個正常既晚飯架，好似今晚咁我都算忍口，但我而家（0:24）好肚餓呀！

2008年2月1日，星期五

早：脫脂奶麥皮﹝200卡路里﹞

午：全麥包2片，芝士1片，火腿1片，蕃茄﹝257卡路里，180+42+35﹞

晚：牛展，炸菜雞腎半包，芝麻蔥油餅１塊﹝423.5卡路里，200+150+83.5﹞

零食：花生朱古力７粒﹝350卡路里﹞

共：1240.5卡路里

運動：無

2008年2月2日，星期六

早：無

午：壽司廣＜﹣﹣ 約800卡路里

晚：芝麻蔥油餅２塊＜﹣﹣ 共167卡路里

零食：香芋珍珠１杯﹝300卡路里﹞

共：1267卡路里

運動：無

後記：

這個星期平均每天吃了約1412卡路里(9880 / 7)，比上星期的1558卡路里，少了9.4﹪，
那麼現在計劃下個星期就cut 約10﹪（因為新年，好易食多咗架），即約每日只吃1270卡路里，努力呀！

Tweet

雲吞嘉美雞

其實我在2003年時巳經聽過嘉美雞這個大名，知道牠是在香港飼養的，知道牠沒有激素，知道牠比較fit少脂肪。但是我郤從未試食過，直至見到苯Ｂ媽媽（呵呵！又是這個Blog，因為這個Blog是我今期的大熱呀！。）在Blog中對牠大讚特讚，於是心郁郁想買隻試下。而我今次選擇了弄雲吞雞這個菜，都幾易架！不過我就做得咸咗Ｄ，各樣都差少少。希望下次會好Ｄ啦。

材料：

1. 免切嘉美雞半隻約１又1/4斤（今次我選用了男仔嘉美雞，店主說男仔嘉美雞較女仔嘉美雞瘦，煲湯就good喇。）
2. 雲吞１打
3. 小棠菜１斤
4. 乾瑤柱仔30粒
5. 金華火腿２大片
6. 薑3片

醃料：

1. 幼鹽２茶匙（原食譜是用粗鹽的，但我家的粗鹽用完，所以用幼鹽頂住檔先）
2. 清酒２茶匙（唔知用其他酒得唔得呢？）

做法：

1. 把雞洗淨，抺乾水；
2. 先把雞用幼鹽及清酒抹勻全身，醃30分鐘；
3. 煲滾２公升清水（原先要４公升水，但因我個煲唔夠大，所以只能先煲住２公升先，到煲了１個鐘後再加１公升的清水）；
4. 放入醃好的雞，乾瑤柱仔，金華火腿（切絲），薑（切絲）；
5. 滾起後轉中火煲２個鐘；
6. 最後落埋小棠菜，雲吞，滾起即成。
   

我和男主角加埋這個全麥麵，這就是我們的晚餐（由於份量太多，餘下的作了我的午餐）。嘉美雞果然一點也不肥，煲了２個鐘，我只見到１滴油在湯面上飄過，所以我連皮也吃下順道吸收一下骨膠原，還有牠的肉亦不會嚡，值得一試。我在雞檔見到一個嘉美雞和三黃雞的脂肪大比併，得出結果是嘉美雞的脂肪含量少好多倍。不過唔記得幾多倍，下次睇清楚再話比大家知。

檢討：
其實這道菜十分簡單，雖然男主角仍然覺得好好味，但我郤認為做得不太好，好像咸了點。我估問題可能出於：第一，我忘了我的煲太細，少了水份令金華火腿的份量相對地多了點，第二，我沒有把金華火腿和薑切絲，令到它們的味道不能在湯中完存發揮，最後就是我竟然把小棠菜一瓣瓣咁拆出來，所以令到Ｄ菜太軟身了，我相信如果是成棵煲，味道和口感應該會好好多。﹣﹣﹣ 檢討完畢，多謝收睇。

Tweet

學友光年世界巡迴演唱會07﹣﹣第100場

剛從學友演唱回來，心情仍然在興奮中。雖然天冷得只有13度，又時不時下著密密的冷雨，但仍無損所有參加在西九海傍露天的第100場學友光年世界巡迴演會的朋友興致。
我是第一次看戶外的演唱會，在這個又冷又濕的日子，的確是有點狼狽。不過，當一首又一首陪著我們成長的歌曲響起，那興奮的心情蓋過一切的不便。學友果然是實力非凡。

我坐得很遠，但仍然聽到好靚的學友歌聲，音響果然不錯。不過可能是第一次在這個場地舉行，所以有點甩漏，再加上斷斷續續地下著雨，學友都有點不好意思呢。不過大家情緒高漲得企哂起身跟住唱，氣氛很好呢！

右上角是這個演唱會的英文名呀。

Tweet

鋪緊磚喇！

最近我簡直係愛上了苯Ｂ媽媽個BLOG，還用了2日時間刨完小屋仔，大project和村姑生活記趣內的所有Post，（接著我會追埋其他主題的，還打算試下佢Ｄ食譜添，其實昨天巳經試了個蔥油餅）係咪好癲呢？！睇完之後，搞到我都鬼咁想搵返塊地起村屋（發夢中）過下村姑癮，呵呵。不過我好肯定男主角這個香港島原屋民是不會妥協的，所以我都係發下夢算吧啦。
不過話時話，在羡慕人家既同時，我倆好似把我地間小屋遺忘了。自從決定搵朋友亞Joe做Designer之後，我倆就懶到一個星期都無一次上去小屋度巡視！想當年為第一間小屋裝修時我地都不知跟得幾足，幾乎每晚都上去hea下！
雖然男主角成日話唔直接搵裝修傅而寧願比貴少少搵設計師，都係因為唔想浪費太多時間去監工。但我又唔係咁睇，自己唔跟緊Ｄ就少咗一份參與感，咩都用錢解決，即使好完美咁完成咗件事，但都硬係會少咗一分感情和經歷！唔知大家明唔明我講咩？
諗諗咁樣唔係幾好！於是昨晚我就坐言起行，襯住練完歌返屋企時，順道上小屋打個白鴿轉。哎吔，原來唔覺唔覺巳經鋪緊磚喇！無把光脫脫（即拆哂所有野既時候）的小屋拍下一張肉照添，失策！
而家個廳巳經鋪完磚，我覺得隻淺灰色地磚好靚呀，可惜個師傅鋪得唔夠細心，而家個玄關位Ｄ磚同個廳Ｄ磚紋都唔夾既，激死，果然真係睇少眼都唔得！不過算啦，唔鋪都鋪咗咯，唔通要人地起哂佢再鋪過咩！唯有日後跟緊Ｄ啦。
好啦都係時候報告一下進度喇：

﹣ 設計師提意用同系黑色磚鋪玄關位，效果不錯呢，不過粗心大意的師傅無對紋呀！你見唔見到呀？

﹣ 雖則係咁，但手工都算不錯啦，你睇下個三角位做得幾好。

﹣ 淺灰色磚鋪出來既效果都好ok喎，在這個晚上十點多的時候睇都不覺得暗。

書房就仲未開始鋪，其實我倆應該在鋪磚前把所有喉位拍低做個record，唔知呀Joe有無替我們拍低呢？

睡房的地磚就鋪了３份１，餘下的唔知幾時會鋪好呢？

這是小鬼們的企缸位，將會用啡啡黃黃由天然石造成的馬賽克鋪切，唔知效果和想像的有無分別呢？聽亞Joe講個厠個水嚨頭滴水，男主角突然醒起上手業主L先生都提過我們，說是因為水壓問題，話每次大廈洗水箱都會咁，打個電叫管理處同佢講返，佢地會做D手腳就會無事。但其實我聽完都唔係好明，睇怕都要研究一下如何根治這問題先得喇。

Tweet