妊娠糖尿

因為高齡的關係，醫院安排我在17週4(22/3)做過一次早期次耐糖測試，這次很開心，測試後十天內沒有收到任何電話，即係是次耐糖測試合格。
之後一直都無咩特別，只是我重得好快，但小金魚就仍然是中細B，不打緊呀！只要仍在正常範圍(預產期正負2週)我就好安心，BB太大也不利順產嘛，但當然如果只肥B唔肥媽就更好！^^

6/6，例行每四星期到私家照一照小金魚，看看生長進度，但這次郤令我有點担心，數據結果顯示小金魚的頭圍、頭兩側的距離(暈"精"至暈"精")在比正常範圍細了少許，肚圍更比預產期細差不多3週，幸好大腿骨仍在正常範圍。

7/6，28週4，醫院安排常規耐糖測試，我一心同自己講小金魚偏細，唯一好處應該是不會有妊娠糖尿。怎料過幾天，我收到醫院電話，告訴我耐糖測試不合格，要回醫院見醫生！嘩！真係諗都無諗過！再上網找資料，大部份都話妊娠糖尿會有BB過大的問題！點解咁架！真係好有衝動去港大既圖書館借本專業啲既書研究下！

17/6，30週，回醫院覆診、見營養師、見糖尿姑娘，我還特地告訴醫生，我私家產檢結果係小金魚偏細，我還把超聲波照給醫生，醫生告訴我，妊娠糖尿有機會令BB過大或過細！呵！我其實好想知點解，但當然醫生亦無解釋，或者可能太過深呱！但無論如何，由那天起我的篤手指、食糖尿餐生涯正式展開！
初初開始，發現原來控制血糖無想像中容易，一些看似沒有太大問題的食物，竟然會令血糖增加很多，但過了個多星期，再recall返早年讀營養學的記憶，開始掌握到，原來，份量、食物本身、烹調方法、餐和餐之間的距離，都對血糖的數值有影響。開始習慣了，感覺也好多了！

(耐糖測試結果，空腹4.1合格；飲完糖水8.3，>=7.8就肥佬)



4/7，32週3，例行私家產檢，這次小金魚所有讀數都回到正常範圍，已經有3磅12安士，雖然仍然是中細B，所有讀數都係比預產期細約1星期，但不打緊，最重要係健康！最神奇的是，雖然小金魚重了差不多1kg，但我郤無再重！好開心！第一次感覺到，脂肪轉移大成功！^^

Tweet