整完玻璃珠，繼續游小樽
路過一間食店，都好，又係時候食個later lunch，，唔比食生嘢，食拉麵都好啦，我的叉燒麵豉拉麵
而男主角既海胆蟹籽蟹腳飯，男主角話普普通通，但其實我都好想試一啖呀！>.<
我們還點了醬漬魷魚薯仔，燒粟米，由於醬漬魷魚是生的，我無得食，食燒一粟都好啦，幾好味！=P
食完再行，見到六花亭本店
小樽好出名造音樂盒，這就是浪漫館，這裡的音樂盒有好多款音樂任你選擇，由古典樂曲、經典民歌、日劇、甚至韓劇既歌曲都有！原先都諗住買返個，但‧‧‧‧‧‧
‧‧‧‧‧‧聽埋這座音樂盒後，打消了念頭！我從來都無諗過原來音樂盒既音樂係咁好聽！可惜太貴買不起，亦無可能運到返香港，那就把那美妙的音樂留在回憶中吧！
浪漫館附近，都可見到卡通人物造型的石像，其實都幾靚！
古色古香的建築
今次來到日本的一個重要目的，就要為小金魚既來臨而買些東西，在網上找到了西松屋，一間在日本大型的小朋友百貨店，之前已經在網上搜集了資料，知道在小樽都有分店，於是特地去朝聖，但可能西松屋的目標顧客是當地的駕車人士，從鬧市中走去其實都唔多就腳！還要行一段相當長的路！真的行到有點腳仔軟！>.<
在西松屋，買了一些BB用品，還有一件有小金魚的衫仔，老實講我其實都唔知應該買幾大！但看見這件衫仔太可愛！一於買咗再諗，咁大件可以送給我既好姐妹的仔仔，如果不合身就送給小金魚吧！^^
完成小樽一日，其實我們還特地等天黑在小樽運河拍夜景，不過我的手機拍不到美麗的夜景，所以大家無得睇囉！^^
入夜的小樽很冷，溫差大是這個時間的北海道的特色吧！我們就起行回札幌市，這天晚餐就在札幌駅的商場食吧！今天雖然很累，但很滿足，能夠買到些BB用品，又有藍天白雲的伴隨！開心其實都係好簡單啫！^^
沒有留言:
張貼留言