離開三角漁市場，沿路見到一間名為一生懸麵既鋪頭，日文一生懸麺（いっしょうけんめん）和一生懸命（いっしょうけんめい）只差一個仮名，從鋪頭的名字，就令人感覺店主是個很有決心盡一生的努力去做好他的麵！果然是一個不錯的名字！^^
這是小樽電車的舊路軌，好古色好香，不過從這些古舊的東西，隠約感受到往日小樽的繁華，今天的小樽是個寧靜的旅遊區。突然有點唏噓，唔知香港既繁華會唔會變成曾經呢？
行咗一陣，又係食晏既時候，路過一間店仔，內似小小型的水產市場，即點即整，我們倆個人，食得不多，就點少少來試試。
這隻蚌很大隻，很新鮮，睇住佢係個水缸內開口噴水！店員話可以做刺身，當然生既嘢又無我份啦！這一隻大蚌全由男主角包辦！>.<
很鮮甜似的！男主角話有別於我們食過的！那當然啦！我們在香港食的是急凍的，又怎能與活生生的相比呢？！但我真係好想食呀！>.<
用返佢個殼去於醬油！好有風味！
這個燒大蝦也不錯，因為是熟的，所以有我份！好味！^^
北海道另一特產，露荀，都唔錯！
還有蜜瓜，但蜜瓜不是出名的夕張蜜瓜，只是普通的，因為6月中開始才是夕張蜜瓜的出產時期，而家唯有食住其他啦！這個蜜瓜很熟，不過都算多汁！合格啦！=P
沒有留言:
張貼留言