38週

繼續倒數，今天剛滿38週，上星期五，再去私家照一照小金魚，這次夠秤了！5磅半！對上一次照，私家話我介口介得太清，因為跟據私家既紀錄，我輕了磅，但小金魚郤重了一點。於是上星期有幾天食多少少、放縱少少，結果小金魚只是個肚腩仔未達標。其實有妊娠糖尿、而呀B又偏細既準媽媽如我，都真係被考起，要係控制和放縱間游走！還有兩星期就到預產期！要努力呀！
不過話時話，我早兩日開始，感覺到小金魚個頭係低咗，坐坐下要起身行已經無之前咁敏捷，要慢慢，企定咗，仲要抖一抖先可以行，因為真係感覺到有點痛，有時仲會突然好急！可能個頭仔又低咗！我有個感覺、可能係希望：小金魚會係預產期前會出世。希望小金魚係滿39週後、滿40週左右出世就好喇！我自己最想係8月25-28日這幾天。唔知會唔會呢？^^

Tweet