搬家最煩的莫過於要搬家居服務如煤氣、電話、搬寛頻、搬收費電視。我家一直都是有線電視的用戶，最主要是睇我最愛的樓盤傳真、每日樓市、創世電視、還有廿四小時新聞和以前的一粒鐘真人蘇。不過，其實新居巳經有個免費的有線電視第一台，我對是否需要和有線再續約有所保留。但男主角今次好有效率地答應了以每月$167﹝希望無記錯﹞與有線續了18個月的約。是次續約可以免了價值$300搬遷費用，加上月費比現在的平了一點，就因為以上總總原因，我們又要成為有線用戶多20個月﹝因為現有的約要到6月才完結﹞。雖然有線自家制的節目都有一定質素，只不過我們都忙，實在沒有太多時間可花在睇電視上呢！
原先與有線安排在上星期四晚到新居安裝，怎了等了整個晚上，都不見有任何相關人仕聯絡，於是著男主角了解情況，怎料得出的回覆是，師傅說找不到我們走了。不是吧，我和男主角都收不到他們的電話，唯一一個疑似他們來電的miss call巳經是下午4時許的事，我們明明約好在晚上7-10安裝的麻！在有點氣的情況下與客戶服務人員再約星期六安裝。
到了星期六，又是等了一整天，我又奇怪為何仍未收到任何電話，又著男主角了解一下，怎料今次得到的答案是沒有預約安裝記錄！吓！唔係呱！無明火起的男主角激動得要即時終止有線的服務。經一輪投訴後，對方答應盡量安排當天上門安裝。結果當然要另約安裝日子，男主角說這次是最後一次的機會，如果仍未能安裝，必cut！最終這個有線要在今個星期一才安裝完成。
不時都聽到有人説要與有線終止服務有多難，原來即使繼續幚襯亦不見得容易。與期增加終止服務的難度來留著客人，倒不如好好改善自己的現有的服務吧！我相信這才是長遠的方法吧！
唉....之前我媽個度裝又試過你咁既情況, 激死人~
回覆刪除[版主回覆04/22/2008 16:37:00]吓！原來佢地咁差既服務唔係個別事件添！我諗我20個月後都係cut咗佢算喇！
回覆刪除仲有20個月wor~ 你慢慢等啦~
[版主回覆04/22/2008 17:14:00]係啦，有排等！
果D安裝員永無準時既!
回覆刪除[版主回覆04/22/2008 17:49:00]係啦！離普！我邊得閑成日响屋企等佢地門啫！
Cut佢難我都明點解，有生意都咁真係更難明!!
回覆刪除[版主回覆04/23/2008 16:54:00]諗諗下，佢地可能並無刻意留難D想cut服務的客人，只不過佢地既客戶服務水準的確有待改進。
唔止有線服務差，香港的公共服務好多都好差！電話又差，上網又差，寬頻電視又差... 哎...
回覆刪除[版主回覆04/23/2008 22:38:00]今時今日咁既服務質素，點掂呀！
我仲比netvigator 無ＬＡＬＡ話我申請左wap服務，仲寄封信黎問我攞錢，你估下我有無鏟左佢出宇宙？
回覆刪除[版主回覆04/23/2008 22:38:00]我估你一定唔放過佢地啦！
我都覺得搬屋最煩就係要reconnect所有野...真係好頭痛架~
回覆刪除[版主回覆04/24/2008 09:43:00]係啦，又多又煩又怕忘了當中的一兩個，而家我望住d credit card月結單，諗起要逐張update，就煩喇！
For Cable TV, 可能您可以問下MICHAEL, 因為佢係STAFF! HEHE!
回覆刪除[版主回覆05/02/2008 09:45:00]他巳經第一時間代佢公司向我道歉了 ，不過都唔係佢既錯。佢認真搞笑！