在新居收拾得七七八八之際，男主角終於按耐不住要落實買電視了，其實他早於大半年前巳經開始四出研究那個品牌的LCD電視好。一向每個星期花40個鐘以上打機的男主角，根本就不喜歡睇電視，而且亦沒有時間睇。其實我曾提議不如買部細比我睇就算，但佢依然堅持要買46"LCD，因為他認為一個家要有一部似樣的電視才行﹝咩野邏輯？
﹞。這就是男人，對一些高科技的追求好比女人追求名牌袋一樣──總有買的理由。
上星期日我們到了旺角上樓鋪買了Sony 46" X series 的LCD電視，現金價比在大型電器鋪平至少8.5%。在完成交易的一刻，我打趣地對男主角說：「其實你真正“睇”電視的時間就是在尋找買哪部電視這個階段，隨著完成交易你亦不會再睇電視了。」
KLV-46X300A﹝相片來源﹞
安哥仔都係咁講~ 部電視又未壞... 而且屋企細... 唔洗買咁大部電視... 但佢話因為打機正D wor~ 激死~
回覆刪除[版主回覆04/18/2008 09:57:00]係呀！Sony清緊貨，我地部電視原本都巳經送26"U系LCD電視，如果加$800就可以upgrade做32"V系LCD電視，唔洗問，男主當然upgrade咗到32"，佢話打機好喎，用32"打機，會唔會睇到頭暈架！
「一向每個星期花40個鐘以上打機的男主角」
回覆刪除平均每日5~6小時!?
[版主回覆04/18/2008 10:07:00]Yes！如果唔係我洗咩成日投訴佢打機啫！早輪要搬屋巳經好d，而家搬得七七八八佢又開始過一放工返屋企七點幾打到一、兩點（當中有一個鐘是食飯及返舊居放狗）。以前星期六日打得仲勁，可以打足全日的！而家因為仲有需要去街為新居添置一些用品所以無之前咁勁，但唔知道當一切回復正常時又會唔會變故態復萌！
我諗我可以無電視都OK架...
回覆刪除[版主回覆04/18/2008 10:08:00]我都OK架！
哈哈哈...係呀...我老公又係成日話要買電視呀...買DVD機呀...總係唔停甘諗住買電器架~ 真係冇佢甘好氣呀
回覆刪除[版主回覆04/18/2008 10:09:00]係啦！我都無氣理佢！費事自己激氣！
男主角真係同遊戲機二合為一!!
回覆刪除[版主回覆04/19/2008 02:46:00]無錯！所以我只不過是二奶咋！
用32"打機呢... 你同我就會覺得頭暈... 但我可以好肯定咁同你講... 男主角同安哥仔都唔會... 佢地只會話: " 你睇... 隻game做得幾好?! 你睇下架車... 你睇下d草?! 人地隻game做左幾年架... 呢隻game有1080p架, 係咪好靚呀! 喇... 呢隻game得720... 係咪差好多呢... "
回覆刪除不過呢... 如果用32"來打wii既槍game呢... 又真係好玩d既... 因為個mon大左... 動作大左... 好好玩~ ^^ (我估起你個廳用46"玩會仲開心 )
[版主回覆04/19/2008 02:50:00]果然安哥仔同男主角一樣，都係機民！不過男主角今晚試完用部32"打機之後，佢都覺得有點頂唔住，因為實在大得太太太太太太誇張了！所以佢打算用返部26"（其實對於我來用26"電視打機都好誇張架）打機，而部32"，佢打算上網放咗佢喎。
打機都係一種癮黎架, 越打就會越沉迷... 但係如果一排真係唔掂, 果舖癮就會開始消失... 我個violin老師都係, 自從迷上左打wii, 就成日將打機D野黎比喻拉琴, 佢仲會叫我玩埋一份, 話打wii可以練埋拉琴D動作喎~~ 咁不如我練琴咪一樣, 真係唔知佢D咩道理黎架!
回覆刪除[版主回覆04/19/2008 02:51:00]可惜當局者唔覺自己上咗癮呢！
我相信大部份男士係打機一族，我表姐夫都唔例外，成日掛住打機，我表姐都無佢乎。
回覆刪除[版主回覆04/21/2008 13:28:00]係啦！都唔知打機有咩咁好玩？！
放上網
回覆刪除早知我就唔買住啦.... 我家果部都係32"來架 大lala8千蚊呀!
[版主回覆04/22/2008 17:11:00]你都買咗好幾個月啦！不過男主角昨天又話：「都唔係好大啫！」，睇怕佢都係唔會放架喇！
我想要個上樓鋪地址呀 ，遲D都要買電視呀。
回覆刪除[版主回覆04/23/2008 11:09:00]好呀！我返屋企搵比你啦。