보고싶다 -- 想你

這幾天病了，不用返工的時候，除照顧了我和男主的肚皮外，我就是趟在床上煲劇，今次是煲兩年前既想你，首先講下個劇名先：

劇名보고싶다，係由下面兩部份組成：
보다：見
V다 + 고싶다：想，韓文文法，任何動詞不要詞尾다加上고 싶다就變成想做~
보고싶다，字面意思是想見你，亦即係想念你的意思。

這套韓劇很傳統，悲劇背境，男女主角成日都哭，這些不是我杯茶，所以我就覺得嘛嘛地，不過又未至於差到要跳船的地步，所以一直睇落去，發現故事後段殺人案的部份反而更吸引，暫時只睇到16集，希望結局是出人意表的。

後記(4月25日)
===========
昨晚終於睇晒，我覺得嘛嘛地，朴有天(박유천)既角色無得點發揮，女主角尹恩惠(윤은혜)又成日哭到眼腫腫，反而第二男主角俞承豪(유승호)個角色多啲發揮既機會，不過男二可能太細個，演出只係不過不失，再加上整體故仔很普通，所以這套劇只是一般！

Tweet