上星期四，即十月二日，我和男主角講咗成年的曼谷之旅終於成行。
這是男主角的背影和我們將要乘搭的飛機的合照，我很喜歡這張相，喜歡男主角的背影；喜歡那柔閑的感覺和點點的放假mood。放假嘛，當然要輕輕鬆鬆才行，所以我和男主角都比較喜歡自由行的呵。
飛機原定於08:55起飛的，不過機長話有些機件問題所以要delay半個鐘先飛到。兩個小時的行程要delay 25%的時間好像長了點。不過唔緊要啦，最緊要安全嘛。
等上機時，我好無聊咁拍了張剪影合照，不錯吧！
等起飛時﹝即未有戲睇時﹞，我自拍了張名乎其實的Camera Face照，其實我無聊起上來真係幾無聊架！
今次在飛機睇了的葉念琛的《我的最愛》，可惜只有兩個鐘的機程，睇不完呢。可能自己本來巳經對女主角無咩好感，加上角色有點白痴，所以我對套戲既評價只是一般。不懂欣賞或許是我年紀大了，與時下年輕一輩口味有點差異吧。
好多人話飛機餐好難食，所以好多時臨上機前都醫咗肚先，不過我就好喜愛吃飛機餐，我還特別留定肚上機先開餐。因為delay咗半個鐘先飛，搞到成差不11點才享用我的早餐，好肚餓呀！是次是煙肉蛋早餐，還有暖暖的牛角包、生果、蘋果汁、茄汁、果麥條，好好味！不過吃不完呢！
「剪影合照」? 得意喎!
回覆刪除[版主回覆10/08/2008 18:00:00]係呀！等我下次攞個好D既角度，咁就可以拍得fit d！
照計男主角都成日對住飛機或呢個 logo 架.... 呢張相, 睇佢放假都重好有興致留意著公司的事情wor
回覆刪除[版主回覆10/08/2008 18:00:00]以事業為重嘛！
好彩香港機場尚算多野行, 打發時間都唔難~
回覆刪除[版主回覆10/08/2008 18:01:00]係呀！如果唔係就悶死！
哎我試過朝早七點半機去北京, 趕唔切食早餐, 去到機場D食肆又未開, 幾肚餓呀, 無陰公...
回覆刪除[版主回覆10/09/2008 00:56:00]係？！我記得入咗閘的食肆好似會開早架。
我都打算去曼谷~可惜英文唔得~又想自由行....
回覆刪除都苦惱緊點好....
你D 狗好可愛~~我好愛呢種狗
[版主回覆10/13/2008 14:20:00]多謝！
其實簡單既英文都OK架喇！
飛機餐好唔好食都好睇你搭咩airline...搭UA真係難食都嘔架~
回覆刪除[版主回覆10/13/2008 14:21:00]係？我印像中未試過UA既飛機餐，不過個人認為國泰的很不錯！
我印象中的飛機餐不錯，有時好食起上黎仲要求多一份tim...hehe
回覆刪除[版主回覆10/15/2008 09:53:00]食多份！薇薇公主，你好勁喎！