自家制無油薯片

上星期某天放工後，男主角約我到銅鑼灣行街，打算為新居添置一點日用品，剛好在City Super見到一個好搞鬼的無油薯片機，身為薯片怪魔的我

見到個咁搞鬼的無油薯片機都竟然無動於衷喎。可能係因為要返工的日子太累了，通常放了工的我的轉數只剩低一半都唔知有無，從事IT這行真的是個食腦既行業。

講返正題，當晚回家巡Blog時見到Blogger大少奶post了這個無油薯片機的制成品，好得喎！於是立下決心一定要買個玩下，男主角無得objection！

其實每一佰克的薯仔的卡路里只得有72Kcal，但坊間的薯片因為是用油炸，所以會大大提提高熱量的吸收而引致肥伴。而我和男主角這倆個薯片怪魔終於可以有較健康的選擇了！

就係諗起都開心。

我的制成品，這兒是小半個薯仔分量，足夠過口癮。下次我會試下加D香草或香料一起醃一陣，試下D唔同口味。

材料：

1. 薯仔半個，﹝我用了焗薯，因為超市無其他選擇﹞


2. 鹽少許

做法：

1. 薯仔切片﹝如果無薯片機，可用任何方法把薯仔切薄片，當然越薄越脆﹞


2. 加少許鹽，醃幾分鐘，真係少少鹽好喇，否則會好咸，我就衰咗喇！


3. 放入薯片架﹝如果無，我估可以平放在碟上，一樣得﹞，入微波爐﹝800W﹞叮7分鐘，完成。﹝時間要試多幾次先掌握好的，如果你都係薯片怪魔，不防自己試試啦，真係健康好多架。﹞

Tweet