出生後第7天按照預約期，帶小金魚到健康院做例行檢查，一直都以為小金魚食得ok，無咩問題既我，郤收到指示要帶小金魚去返瑪麗，原因係落磅太多，懷疑缺水！一條缺水的金魚！！！聽到的一刻好担心！係健康院見過姑娘、矯正過餵奶姿勢，再見醫生，醫生詳細了解了我的餵哺情況及再三確認我學懂了餵奶後，出了封轉介信後叫我隨後就到瑪麗急症室。
其實早前兩天，即5天大時，我特地因小金魚每小時都食一次奶這個問題，打去母乳熱線問過，知道這是不正常的，通過電話，就已把姿勢改善，小金魚亦似乎食得好一點。我當時估應該係我第4、5日可能真係姿勢問題餵得小金魚不好，當姿勢改善後，問題應該都可以解決吧！上急症室都應該是以防萬一，檢驗一下指數吧。
上到急症室，急症室醫生睇完小金魚就告訴我小金魚因體重比起出生時輕了15、16%，這個幅度太大，而且她有缺水現象，於是轉介她到新生兒特別護理部（K10S），再作詳細檢查。那一刻很担心，缺水？！得幾日人仔好嚴重下喎！
上到病房，原來和NICU係同一個病房，由於房內全是幼少的嬰兒，所以他們的防菌控制得嚴格，重門深鎖既安排，令我覺得很恐怖！搞咩小金魚要搞到入來呀？我有點自責，如果早點發現她原來食得不好，她就不需要入院，那一刻個腦很多如果！個心又好担心，但又想忍住啲眼淚，因為要先解決問題！
入到院，醫生幚小金魚抽血檢驗，報告話電解質正常、鈉正常、鉀偏高，但都可以接受、不過血偏酸，這是食得不好而引致缺水的現象。
見過醫生，小金魚要留院，姑娘叫我埋身餵小金魚，但她已經無力食人奶，最後醫生安慰我，先補奶粉，而我自己努力泵，原先姑娘叫我先試埋身餵，食唔夠就補泵出來的人奶，接著就補奶粉。理論就係咁講啦，但實行起來，是小金魚用了體力食人奶就連吸啜奶咀的力也沒有！在醫院，見姑娘迫佢係咁食，其實好心痛！
留院了兩晚，體重重了點，有份量的濕片夠數了，醫生準許小金魚回家度假，翌日回醫院磅重，如果有所增長先再考慮比佢出院。如是者，小金魚回了幾天家度假，下星期一（她13日人仔）時再回醫院磅重，如果進度理想就可以正式出院。頭尾小金魚就叫做入院7日。
回家我們掌握了餵奶樽的技巧，知道細小的小金魚，體力只能用一個易吸啜的奶咀去食奶（Nuk new born 大咀），如果其餘活動包括吸啜人奶都會令她沒有能力食奶，如果睡得好，一餐60ml的奶可以在30分鐘內分兩次食完，否則食足兩小時也未得，那就會打亂之後奶餐的時間！
而我，原本開始上奶的我，因為小金魚入院再加上担心，奶量不斷下降令原本未穩定的供應開始收縮！我的全母乳路會係點？不敢想像！唉！
沒有留言:
張貼留言