又減肥‧‧‧

係啦，又要減肥，我發現我除了食飯、睡覺、呼吸之外，減肥就係另一樣東西，我無時無刻都要做的事！真沮喪！點解我唔會好似我的細佬妹咁，食極都唔肥！唉~

講返今次減肥，動力是來自下月20日要以姐妹身份出席朋友的婚禮，上星期尾，姐妹聚會後，大家都話要穿姐妹裙，噢！肚子大得像有了5個月身紀的我，突然充滿動力要減肥！似乎係時候把09/10年學過的營養學學以至用了！

從剛過去的星期天開始，我的減肥計劃展開了，是次目標係在4星期內減10kg。嘩！減得咁快，完全違背了慢慢減才健康的原則，但無法啦，有時係非常時期，有些原則都讓路呀！不過我會盡量健康地減！

今次，我用了小食多餐策略、營養要勻均衡、嚴控炭化合物的攝取﹝即只食足夠燃燒脂肪的份量﹞，還有不能缺少的是運動，不竟食少了，影響了新陳代謝的速度，對減肥無幚助呀！

從星期天到今天，共5日，共減了2kg，雖然沒有很飽的感覺，但亦不用捱餓，在這情況下有這樣的成績，我覺得很不錯！希望在朋友的大日子，我都能漂漂亮亮地穿上姐妹裙，為朋友祝福！加油！

Tweet