今年終於去咗LC開倉，估唔到LC fans真係咁熱情，我10:20am去到富豪排隊，我見唔係好多人，以為好快就會到，怎料我在地面等咗2個鐘﹝因為我帶定notes去溫，唔覺時間過咗咁耐﹞，條龍郁得好慢先發現唔對路！後來有其他人問個"食蕉"哥哥，先知原來排到入酒店都仲有成佰人要等緊，但我巳經排咗2個鐘走又唔係，唔走又唔係，可惜我太肚餓，原先都有點想放棄，因為真係唔知仲有幾耐要等！後來好彩同前面兩個LC fans搭下咀，大家協議之下，決定輪流去食點東西才繼續排。有些排隊既朋友仲call埋麥麥送！我食咗嘢之後，好好多，最後決定照排，因為真係巳經洗濕咗個頭！
足足排咗3個鐘先入到酒店範圍，之後都仲要排多個幾鐘，同酒店個姐姐仔傾咗兩句，先知原來今早條隊郁得咁慢係有人响度勁打尖！太過份喇！
今次我去開倉，主要目標係矽膠鏟、噴油壺、細平鑊(20cm)，後來見到個細淺煮鍋(22cm)，都幾靚喎，諗住自己排咗成4個幾鐘先入到去，於是買埋佢！其實我仲想買一個marmites 深底炒鍋，但人實在太多！好難逐款睇，於是都係放棄咗！最後我大約4:30pm走人，是次mission總共用咗差不多6小時才可以買到，真的太癲喇！
矽膠鏟、噴油壺、細平鑊(20cm)，細淺煮鍋(22cm)
你睇下入面幾多人，淨係比錢，我都排咗1個鐘！
哇，好恐怖啊，排咗4個幾鐘先入到去。
回覆刪除我都覺得太多人，好亂，冇咩心機選，早走早著，下次都要約埋大家一起有伴好d
[版主回覆09/06/2010 17:50:00]係啦，下次有心去真係最好約多幾個blog友齊齊去，有個照應都好d！
嘩...要排咁耐呀, 好彩你拎左d notes去溫咋! 不過最緊要買到心頭好ma....而且有時女士既忍耐力會勁到估唔到架!
回覆刪除[版主回覆09/07/2010 10:22:00]係呀！為咗心頭女士們真係好勁架！我都係其中之一！
你如果想買marmite ，得閒去專櫃度下26 & 32 cm 重量同size 噶分別啊。32 cm 重7 kgs , 好重噶，如果加埋d湯水，真係要想清楚啊。
回覆刪除知道你係同好，我下次見到呢兩款有promotion 再大家互相通知啦
[版主回覆09/07/2010 12:04:00]好呀！多謝哂你既資料呀！