2010東京遊記──Day1

因為是staff ticket的關係，所以我們一早7點幾巳經到了機場waiting，復活節檔期外遊人仕特別多，所以機位特別緊張，我和男主角就由第一班開始wait，一直到第三班先上到！其實wait到第三班就上到機巳經好好彩！真係要Thanks God，否則我們的東京遊就要取消架喇！

在等候機位期間，我不斷响facebook update我地既status，一班朋友都好關心我地最後能不能夠成行！原先係倆個人响機場呆等既悶事變成成村人响facebook一齊等，感覺好興奮、好開心！能上機的一刻大家都興奮，原來能分享喜悅，開心既感覺真係會加倍的！Internet、mobile phone真係改變了這個世界、改變了人與人之間既相處模式呀！

言歸正傳，我們最後於1035飛走去東京的成田空港！又因為之前一晚收拾行李搞到成2點幾3點，瞓得3、4個鐘的我，一上機就睡到落機，中途只係食咗餐飛機餐咋！

 我的飛機餐，玉子豆腐+魚，食飽再瞓過！Yeah！

4個鐘的飛程，話咁快就到，東京比香港快一小時，所以到安頓好在位於池袋的旅館時巳經是下午5點幾。其實由池袋JR站，我們巳經急不及待的走去買咗個3、4月限定版既Premium Sweet Potato Pie﹝雜莓蕃薯肶﹞，因為是日是男主角的牛一，個蕃薯肶就係佢既生日蛋糕，個肶好好味呀！唔太甜，唔太膩，d雜莓又唔太酸，初初都擔心食唔哂，點知一陣個肶就比我倆消滅咗！

あなた、お誕生日おめでとうございます。おいしい

一如以往，我倆先到新宿走走，再搵食。我倆巳有兩年多無去過東京，感覺東京有點改變，池袋JR站好像裝修過，是加了店鋪嗎？不太肯定，能肯定的是，放工時間在JR站的人仍然都係急急腳，還有說國語的遊人真的多了。

到了新宿行行逛逛，不知不覺又到食晚飯的時間，無錯食、食、食是旅行最不可少的節目。是日晚餐選在一間名叫"鳥良"的居酒屋，是朋友介紹的，除了我們店內全是日本人。連本地人都幚襯的地方，應該無選擇錯誤吧。

前菜很好味！我覺得好味過香港既好多好多！這餐我們選了：

 芝麻豆腐；好香芝麻味，好好食架！

 炸雞翼：必食，是朋友介紹的，原來我之前在名古屋食過，都幾特別，同平時香港食既好唔同，好唔好食就睇自己口味，我就覺得ok啦！

 櫻花蝦天扶良：好脆口，送酒最啱，不過我地無飲酒喎！

 咖喱雞肉火煱：因為同一個味最少要叫兩人份的，所以我地想試第二個口味但個肚都唔夠位囉！個雞肉火煱有個好似香港食既墨魚滑咁，要自己逐少逐少咁批落個煱度，其實係用酒醃咗既免治雞肉，估唔到咁好味，有點似食醉雞，不過係免治咗既醉雞，好得意。

 最後係一個好似一些中式點心既物體，但我都唔知叫咩，佢係用d中式包質地既嘢包住好似係日式叉燒既豬肉，仲用火熱住上，食既時候係熱到入唔到口，個味道就甜甜地，食到中間仲有d驚喜，大家有機會都要試下！

最後，原本當地人在那兒食少少把酒談心的地方，變咗比我倆醫肚，所以當時成枱放滿食物，感覺怪怪地﹝因為其他人都係一碟起二碟止﹞！仲有唔知係唔係做緊prompt，所以佢地送咗成十張coupon比我，不過有效期係2010年4月內，如果大家有興趣又用得著，不防PM我，我送比你好過浪費了！

食完晚飯就再逛逛新宿，到百果園食返串士多啤梨和蜜瓜，噢！no good呀！我從未食過完全無味的士多啤梨和蜜瓜！又貴！無下次！

是夜既東京只得7度咋！Freezing .........

Tweet