Le Creuset 開倉 80%off

星期六，男主角要返工，我自己一個走去尖沙咀Le Creuset開倉去八下，主要目標係要找過隻鑊，因為我家的那個鑊巳經用了十年，它開始唔聽話成日都好易燶底，似乎它都差唔多時候要退下火線，唔炒得喇！

我這個人很怕要排隊，所以一心諗住要排隊的話就閃！怎料人流比想像中少，可能係時間尚早，我約中午12點到。行了個圈，一心想買個鑊，但一個中式鑊要成$1880，好貴，唔捨得呀！行來行去最後決定買這個長方型煎pan($500)代替，因為打算如果發覺用來炒嘢唔好用，最多到時先去d本地廚具鋪買返個$75既大受香港c9好評的黑金剛，這個決定似乎是可攻可守！

用過之後，又ok喎！可以當鐵板燒塊板咁用，Good！不過如果可以配埋個蓋就更好。圖中那個綠色的用具係鑊鏟，比錢時d sales姐姐話最好唔好用平時鋼做的鑊鏟喎！咁我見佢平平地$30所以買埋囉，不過我都係覺得麻麻地好用，遲d要買個木鑊鏟先得。

其實我的戰利品又點只咁少，仲有一個可以用火直接加熱的橢圓形的淺盆，可以用作先煎一煎將要烤焗的肉類(例如：羊架)，然後成個盆放入烤爐，這樣的盆子，我想買了很久！其實除了烤焗的肉類，還可以整焗飯、焗意粉，諗起都開心！

其實除了生鐵煮食工具外，我仲買了一些storeware，用來做甜品、又或者一人份既食品，上枱時好似好pro咁，食都食得開心d！

橢圓形的小兜仔，我想買咗好耐，因為見d甜品鋪用橢圓兜整法式焦糖燉蛋好似pro過就咁用圓形兜咁呀！仲有因為橢圓形兜既表面面積大d，咁整出來既焦糖面就會多d，男主角一定更喜愛！

不過可惜因為我心大心細，我就在考慮期間比人買走咗幾隻酒紅色，最後淨返這一隻，於是一酒紅、一黑，都ok啦，盛謂$70一隻！

接著下來的這兩款純粹係因為顏色靚所以買的，登登登櫈.......

Kiwi色既心心兜，用來做焗西米布丁或者係梳乎里就最啱！不過這兩款甜品我都無整過，要搵次機會試下先得。這個好似係$180一對！其實用唔著，用來送禮都好啱！原本都有諗過買多套打算送比個就結婚的而又十分喜愛綠色的朋友，可惜這個顏色是最後一盒喇！

最後這款是黃色的方型焗盆，都可以整烤焗菜式，其實如果佢地生鐵造包法郎那款爐具有這個size，我就會買個鐵造的，因為可以放在火上用多個功能，但可惜家中的焗爐太細，最大只容納這個size，見佢$160都唔貴，所以買埋！

Tweet