星期二晚，小鬼們正為清晨時偷偷入房的事而被冷落﹝其實過了那麼久，小鬼們當然唔知發生甚麼事，不過牠們肯定知道又惹禍了﹞，在客廳的我被一連串dee dee 聲嚇了一跳，突然好像有昆蟲在我眼前以極速飛過，我一個箭步走入廚房，細看之下，原來是一隻吋幾兩吋長的小強─會飛的小強！我和男主角都是極度怕小強的人，更何況是會飛的小強。在大家正在不知所措時，小強就飛了入電視柜的後面，像是一直向鋼琴的位置進發。由於我們在明敵在暗，無計可施。突然靈機一觸，小鬼是擁有敏銳的嗅覺的，所以第一時間放佢地出廳對付外敵，好快小鬼巳經找到小強位置，甚至把牠追迫到鞋架底，拖肥新地一頭一尾令小強無路可走。最後牠只能死在死敵─拖鞋底下﹝鳴謝負責駕駛這隻拖鞋的男主角﹞。一場大戰終告平息，小鬼們應記一功！小鬼呀！小鬼呀！今次好彩有你地咋！
將功補過的拖肥，還合作地讓我拍照呢！
將功補過，咁你唔會再冷落佢地啦。
回覆刪除[版主回覆09/04/2008 18:16:00]今次就原諒佢地一次咁多啦！
幅相既重點係男主角半身!!!
回覆刪除[版主回覆09/04/2008 18:16:00]係？！拖肥好樣D喎！不過拖肥都係跟男主角多一點。
塊彩虹布幾靚喎～
回覆刪除[版主回覆09/04/2008 18:17:00]宜家買的針織毯，我用作sofa cover，等間屋無咁齋。
佢好叻, 我2隻野都唔會幫我打昆蟲, 所以我只好落力保持清潔..><
回覆刪除[版主回覆09/04/2008 18:20:00]我家位處低層，加上又近街市、又近山，所以小不免有小昆蟲！
還有沒有「明天預告：『可疑的拖肥新地』『可怕的拖肥新地』『可靠的拖肥新地』『可憐的拖肥新地』『可口的拖肥新地』」等等?
回覆刪除[版主回覆09/05/2008 09:28:00]噢！無喇！見好就收啦嘛！無謂做到好似D電視劇咁啦！
其實我想知，係佢哋自己找到小強位置，定係你哋話佢知呢？拖肥新地真係好鬼叻！！好鬼可愛，好想錫佢哋一啖，哈哈！！
回覆刪除不過無論有冇呢件事，都唔好嬲佢哋啦 好唔好？
[版主回覆09/05/2008 09:29:00]係佢地自己搵到的！特別是新地，佢巳經有前科，之前同佢去街街，佢好鍾意玩小強架！好鬼污糟呀！