今年打風特別多，前兩次的風姐就返早更，而昨天路過香港的風姐黑格比就返夜更，佢傍晚6點掛，咁我名義可以放早3分鐘，因為我official放6:03。其實好耐都未試過掛8號風球時在街行喇，原來真係好大風。返到我家平台，巳經有一班管理員守在當風的通道上，叫路人除定眼鏡同埋等細風D先好行，心諗洗唔洗咁誇張，細看下原來就係有位嬸嬸可能比強風吹跌了，搞到頭破血流、周身血漬。
我等了一會行過了那條當風的通道，打算向大堂進發，怎料大風得只能躲在柱位邊，當時有另一位女仕在我身傍，然後有二位管理員見我倆吋步難行，便協助我們一起走向大堂，一行四人拖實都無法自控，我地就比D風吹到大堂入口去。無錯係吹入去而唔係行入去！這個黑格比真的好強，好彩佢只係路過香港咋，否則就大件事！
打風果晚 - 我把遮爛左(係台灣買架!咁就無HK$100)
回覆刪除[版主回覆09/25/2008 10:12:00]我遮都用唔到呀！
哇~吹得咁緊要呀!
回覆刪除[版主回覆09/25/2008 10:12:00]係！其實平時我家平台都巳經特別大風，加上打8號波就更大呀！
真係咁大風，我睇新聞都見吹都好勁
回覆刪除[版主回覆09/25/2008 10:14:00]係呀！我家平台出名大風的呵！
ハ号風球真係好勁㗎，我哋返工風雨不放ma，而且有allowance。
回覆刪除[版主回覆09/25/2008 13:52:00]咁醫院今年真係出咗好多allowance呀！