水腫的人減肥常有從天堂掉下來的感覺。今天的我就有這種感覺，上星期﹝24/08-31/08﹞我一共減了5磅，雖然心知咁短時間減咁多，減去的多是水而不是脂肪，不過我仍感到滿心歡喜，當然沒有放縱自己而繼續控制飲食和做適量的運動。但今早起來磅一磅，升返3-4磅﹝唔通是星期天的咸雞出事？！其實我都只是吃了兩、三件啫！激氣！﹞！就係咁我就分別到了天堂和地獄走了一轉，真令人失望！
雖則知道水腫型的人減肥除了要控制脂肪、卡路里吸收的份量外，亦要吃得好清淡。結婚前的我戒口戒得好清的，不過在沒有mission的情況下，要我食甚麼都淡而無味，我又唔想喎！我知做瑜伽可以改善水腫情況，不過我打算減咗D磅先開始返做瑜伽，事關D豬腩肉頂住好唔順服呀！
其實減肥或者keep fit都唔可以太勉強自己，否則難以維持後又會反彈，真係好煩架！
天堂? 你有上過去咩？
回覆刪除如果係水腫，咁咸雞可能仲易出事過甜品喎...
[版主回覆09/02/2008 09:24:00]發夢時去過。
水腫型好煩，咸又唔得甜又唔得，無淡好食呀！
我之前睇中醫都有話我水腫，所以要食得清淡先去到腫，我果排真係戒口都瘦左5-6磅，所以一定要戒!!
回覆刪除[版主回覆09/02/2008 14:23:00]戒口？唯有係咁啦！
我減肥既最大秘方係磅重, 一日至少磅一次, 經常提醒自己~
回覆刪除[版主回覆09/03/2008 00:38:00]我唔可以日日磅架，因為我磅數上落太大，好易因為磅數而影响心情，長期係咁會有壓力，一有壓力我就勁想食食食，咁就變咗惡性循環仲大件事。所以我只能一、兩個星期磅一次，咁會好少少。 減肥真煩！