之前的情人節禮物中的菜刀終於開鋒了。昨天我憑記憶整媽媽教的咸雞，不過好像有點over cooked，幸好少爺雞點整都唔會太嚡，唯有下次再嘗試，成功了才在這兒post食譜。
話說昨天去完church就約了男主角到灣仔睇下有沒有合心水的鞋柜和大班椅。走下走下就到了灣仔街市，找不到合心水的家俬也不想空手而回，所以買了隻嘉美雞返屋企整。是次是有史以來第一次斬雞，但斬得溶溶爛爛的，加上我忘了叫雞販替我去頭去尾，所以牠的死相好恐佈呀！
不知有沒有朋友懂得斬雞，我想請教一下。
提外話，男主角巳經submit咗張form去信用卡中心換焗爐，好期待呢！
焗爐到手後，我就可以試下整燒雞喇！
為免引起不安，我巳經在雞大哥的頭上打了格仔了！
整燒雞應該好好食，不過善後洗爐就好麻煩，三思呀
回覆刪除[版主回覆09/01/2008 11:33:00]唔緊要，最緊好食嘛！
註：洗洗抺抺是男主角的工作呀！
「之前的情人節禮物中的菜刀終於開鋒了。」
回覆刪除收埋半年!?
[版主回覆09/01/2008 11:32:00]淨係把菜刀無咩點用過啫！
聽人講斬雞要斬釘截鐵咁斬先好架，可能唔夠忍心。
回覆刪除[版主回覆09/01/2008 14:22:00]要快、狠、準！我都知，不過真係好驚喎！
可以試吓用廚剪(買注明可以剪雞用的鉸剪，約幾十元一把都OK的) 剪雞方便、安全及完整一點。我有一把幾好的(十年前售$199)廚用鉸剪，主要用呢剪雞，現在仲好好用。
回覆刪除[版主回覆09/01/2008 16:31:00]謝謝你！想問下幾十元一把的和$199有咩分別。可否告訴我，你自家用的那一把是甚麼牌子？等我又去睇下先！
Buppalo (有個牛頭的) 約四至五十元，幾普及，是可以剪開隻雞的，要用D力。我十年前買$199的是孖人牌，比較容易剪開雞骨，現在唔知幾錢？但一般$100-200的其他牌子都幾好，可以唔困難剪開隻雞，Jusco、永安都有多欵，有空去看看先啦！
回覆刪除[版主回覆09/01/2008 17:01:00]謝謝你！我搵日去睇睇先！
你斬得落手已經好勇, 我買斬好果D架咋~
回覆刪除[版主回覆09/02/2008 09:25:00]不過真係好驚，我巳經把我的鉆板cover斬爛了！
我次次斬雞 都會變左手撕雞呢
回覆刪除[版主回覆09/02/2008 09:27:00]係啦，我都會架！好多時我都會把D雞碎收在雞脾、雞翼底架！企圖暪天過海，好睇D嘛！
我好驚會斬親手指．．．
回覆刪除[版主回覆09/02/2008 09:29:00]無錯，我一斬落既時候就成日覺得我隻手仲未縮返上來。好危險呀！