小露寶就是在Blogger大少奶和苯Ｂ媽媽極力推介的吸塵機械人，我終於得到手了。因為拖肥和新地每年都有幾個月要換毛，掉下來的毛毛的數量多得可以用來造棉被。若要我每天放工後都要吸下塵似乎不大可能，所以早前巳經打這個吸塵機械人的主意。剛巧我的爸、媽、弟、妹都嚷著要送我入伙禮物，那就送這個合我心水的吸塵機械人吧！
為了慳大家的荷包，我特地等等等等等，等到到剛過去的寵物用品展打聽，果然能以最平的cash價$2880成交。用了兩天效果果然不錯！唯一美中不足的是它要叉成八個鐘電才可以吸塵一個鐘！如果我地都可以好似佢咁嘆，每休八個鐘才做一個鐘就好喇！
這就是苯Ｂ媽媽口中的小露寶、大少奶口中的賓仔，其實我都鐘意叫佢做小露寶喎！
拖肥：喂！你係咩黎架，點解會郁既？
拖肥：喂！喂！喂！你睬下我啦！
拖肥：唔睬就算啦！我走！哼！
拖肥：我唔理你，你又走黎追我，你想點呀？！
（註：新地對小露寶一點興趣也沒有，所以牠無上鏡呀。）
有關資料：
- V-Bot自動吸塵機械人（香港總代理網頁）
- Intelligent Robot Cleaner（日本的吸塵機械人，我估都是出自用一間廠的）
- 售賣地點by大少奶
哈哈~ 我都見過呢過吸塵機械人..不過唔知真係甘好用窩~
回覆刪除[版主回覆07/31/2008 09:44:00]我因為有狗狗，所以最好日日打掃。不過對於要在職的我只能一個星期打掃一次，在狗狗換毛的日子，實污糟得很。現在有了它，那就可以日日吸塵，很省功夫呢！它的設計亦很貼心，因為它的吸咀沒有傳統的毛刷，所以不會有毛髮纏住，每天只需要掉了塵盒內的垃圾便可，相當方便！
你買左【小露寶】就可以多d時間整其他野，我地上你屋企果日你記住叉好電，我想試玩!!!!
回覆刪除[版主回覆07/31/2008 12:52:00]無錯！
似係拖肥新玩具多過似部吸塵機 ....不過睇落幾好用咁
回覆刪除[版主回覆08/01/2008 01:23:00]拖肥一見有新野就當正係自己的玩具。 部機都ok架！當然不能要求佢能做到絕對無塵，但總算慳水怪力又能保持清潔。
你屋企咁大，以佢ge速度，一個鐘的吸工作夠唔夠㗎？
回覆刪除[版主回覆08/01/2008 12:11:00]其實我家的尺數好似好大咁，但實際可用面積沒有想像中大，加上我返工時只需要它吸客飯廳﹝其他地方就等我在家先吸﹞。據我觀察，要吸完整個廳只需約半個鐘，所以都ok。其實我都未試過佢一次過吸哂全屋要幾耐，下次都等我試下先得。
你屋企用地毡呀!? 養2隻大狗仲用地毡, 打掃好辛苦~
回覆刪除[版主回覆08/01/2008 17:22:00]當然不會用地毯啦，我都知十分之難打理！
「拖肥」好搞笑啊!
回覆刪除[版主回覆08/04/2008 09:40:00]係呀，佢對D會自己出聲或自己會郁既東東都會好專注咁跟住佢架！
之前我o係泰林見到好似要成三千幾啊，你果然係精打細算。拖肥佢成日搵個鼻'哄' 埋小露寶到，會唔會吸到佢架?
回覆刪除[版主回覆08/07/2008 00:30:00]原來PCCW仲平呀！50分積分加$2980就可以買一部小路寶，而且仲送$200惠康coupon！