昨晚約了為食B小姐上晚到銅鑼灣上九時半的瑜伽，約七時半放工的我們便相約到呀蘇介紹位於西灣河的超級無敵車仔麵，果然無介紹錯
，我和B小姐倆人點了二碗五餸車仔麵﹝每碗$22﹞，另加淨餸一碗$19，飽到有點擔心做瑜伽時會吐呢。今次我們點了豬腸、冬姑﹝極入味﹞、雞翼、雞翼尖、菜、滷豆腐、豬皮、牛栢頁、豬紅、白蘿蔔‧‧‧多到我都忘記了。可惜因為碗車仔麵太吸引，我和B小姐都忘記了把它們拍下來，不過我下次一定記得拍下來和大家分享的。
之後我們到了只有兩個鋪位之隔的明記糖水，味道不太甜，而且價錢相宜用料十足，只需$20就有一碗鮮雜果西米露，可惜我實在太飽了，只能吃兩口，餘下的有勞B小姐包底。
又胃食又大食的B小姐，昨晚果然戰鬥力強勁，車仔麵加西米露之後，我們再到太安樓雞蛋仔繼續努力！喂！B小姐，你就得天獨厚，食唔肥，但我的肥膏和磅數有如這幾個月的恒指一樣升到唔識停！再咁落去係唔係你sponsor我買過哂D衫先？！
這碗鮮雜果西米露是否用料十足呢？其實這已經是給我和B小姐吃了幾口的模樣了。
我都成日去此店食甜品架
回覆刪除[版主回覆10/25/2007 09:57:00]祖實癲，這間甜品鋪的確不錯，你有沒有必食的推介呀？
下次我們也拉隊過去!
回覆刪除好味喎～ 下次拉隊可唔可以唔好平日夜晚？我要返工 http://hk.myblog.yahoo.com/winsyhopes/article?mid=843&new=1
回覆刪除[版主回覆10/26/2007 14:40:00]好喎！叫B小姐安排下先！