昨天還在忐忑的我，於昨晚不單決定了，還要行動埋！果然勁！
昨晚以一個比自己預算大了一點的銀碼，但相對比市場價略低的價錢買入了一個9佰多呎的單位自住，當知道成交的一刻，我十分興奮，因為終於可以安睡了。真的十分感恩，因為我前晚的祈禱中對天主說，如果對方可以以我心目中的一口價成交，那我便買，否則就決定租算了。結果成交價比我心目中的那一口價還要低少許，果真是只要你求，就必求得到。感謝天父！
其實昨晚低調的男主角請高調的我不要四處張揚，他要求我廿四小時內不要提及買樓這事，雖然到目前為止只是過了十多小時，但我真的十分興奮，好希望與大家分享我的喜悅！
大姐姐：我實會話比大姐夫知你未夠廿四小時就講左出黎。 你記得搵神父聖屋喎，咁我地就去你屋企開party！ 天主對你幾好，一求就有，我求極都仲係求緊。
回覆刪除睡寶寶：你唔洗做二五女喇，你大姐夫一定估到我忍唔住口啦！ 搵神父聖屋？都好喎，不過有排啦，最快都要等到出年年頭先有機會作伙呀！ 開party當然無問題啦，既然我買樓得到天主的祝福，那我就當然要多多利用間屋去服務祂啦！
回覆刪除我地開party=利用間屋去服務天主？又唔錯喎...
回覆刪除給榮升業主的你： Congratulations! 祝你人月兩『臀』圓呀！
回覆刪除露絲：多謝你呀！祝你中秋節（追月）快樂！
回覆刪除Congratulations!!!!! 如要幫手搬屋, 記得call 我們啦 ！不過，我都好想知你們搬得遠唔遠呢？ 但為何男主角這麼低調呢，這真是一件好開心的事，攪到我唔敢打俾你們說聲恭喜 ． 不過，我諗我同男主角都有廿五年的友情，佢都唔會唔同我們講掛！ Anyway, 我真係忠心”登”你們開心的！總知要幫手搬搬抬抬的話，不用客氣，call 我們啦！
回覆刪除Maggie：唔會好遠，行都行到的，到時有需要，我會叫大家總動員來做苦力的，等我電話啦！
回覆刪除