無啦啦洗多2佰幾，好唔抵呀！

一個月前我從報上得知在銅鑼灣的Mr. steak house會搞個有和牛做主題既自助餐，於是就打算和男主角去撐下枱腳，所以就訂了枱在10/6品嘗一下。可能等咗個月，所以特別期待，但當去到時，發覺原來只有當中的4道菜是同和牛有關，有點失望，不過好彩味道都不錯，但要成3佰幾一個人，就覺得有點貴。

點知到埋單時，竟然比我地知道用東亞或citibank既張信用卡有六折，六折，咁我同男主角兩個加埋未可以平2佰幾！不過好可惜，我地兩張信用卡都無！！你話係唔係好氹心Y？無啦啦洗多2佰幾，好肉痛！

不過學男主角話齋，2佰幾蚊絶對可以令我地下次一定會問清楚和睇清楚先去食，但咁貴既一課，始終都覺得好唔抵呀！激氣！

為補償洗多咗既錢，睇怕由今日開始我同男主角都要慳d食，等我d肉無咁痛先可以回復正常呀！！！

Tweet