終於到新地

今日終於到新地喇，新地無拖肥咁古惑，好多時都好聽話，不過就有點神經質，久不久會行行下自己跳起，怪叫，同埋淩空轉身，加上淺藍色眼的牠，有些人會覺得牠很有型，但亦有人好怕牠的。

﹣加埋佢對反光眼，似唔似狼呀？



﹣ 佢對耳背有一點白色的“墨”，好易認的。

Tweet

一個月喇

真係要比個叻自己，我巳經連續一個月朝朝早六點幾起身去做瑜伽﹝星期一除外，因為我set咗o個日為休息日﹞。曾經睇過一篇文章，當中提到當一個人要改變自己既生活習慣，開頭的廿一日是好重要的，如果能夠堅持得到，慢慢就可以溶入生活當中，習慣就會漸漸型成架喇。我都希望我今次唔好半途而廢，事關我想身體健康嘛！其實對於我是個懶鬼，在無咩大mission既情況下可以有咁既堅持都叫做唔錯架喇。下個目標是向第二個月進發，希望我可以做啦！

Tweet

新玩具

男主角最近這兩、三個星期都不斷咁行d電器鋪，成日躊廚26吋好d定32吋好d，初時以為佢想換電視，但之後再了解清楚d，原來佢想買部大大部LCD TV用來打XBox，XBox？！唔係呱又買遊戲機，我估近期最hit既遊戲機除咗PS3之外，佢全部都買齊，洗唔洗咁齊呀！我而家屋企就嚟變成遊戲機博物館架喇！唉，男主角你要安排下d時間陪下我至得架，如果唔係我實對你唔客氣架！

- 左邊是新歡一號─26吋sony LCD TV，右邊是新歡二號─XBox遊戲機是也。

Tweet

有街街去

我見咁耐都無同兩隻小鬼去街街，於是今晚就的起心肝帶佢地去，當我同男主角講表明我的意願時，兩隻嘢真係好似識聽咁即刻走去門口度坐，當然仲有鬼渣咁嘈啦，所以出門口時都唔係咁順利，事關我要佢地定定地同埋靜靜地先會同佢地去街街，為了佢地明白我既要求，我大大話話都同佢地又除又戴條狗帶成十次先可以成功出門口！

﹣這張有無王家衛feel呀？




﹣這是熱狗一條

其實我都有帶新地去的，但就無同佢影相，明天啦，明天再同佢補返影啦！

Tweet

好味午餐

前幾篇都係講減肥，我諗都係時候講下飲飲食食平衡一下喇！

上星期五男主角放假，於是約佢來灣仔一起吃午飯，我地來到這間美味天皇，它的確是我們的至愛

，簡直係平、靚、正之選！佢地既即磨咖啡都相當不俗的，不過午飯時間好多人，最好就早點來排隊

，重有一點要注意的是，是齊人先可以入的！

- 你睇幾多人係度等！

- 當日既餐牌，四十幾蚊一個餐仲唔洗加一，十分經濟

！聽講話個廚師之前係係唔知邊間高級餐廳做過

，所以水準有返咁上下喎，事實是否如此，我就無考究過，不過的確係幾好味的！

- 這是男主角的燴煙肉粒吞拿魚素菜汁跟天使麵，d天使麵煮得剛剛好，不會太軟亦不會大硬，汁和料都好多架！

- 而我就叫咗個肉眼牛扒黑椒汁跟薯菜，睇下幾大碟！

- 我好鍾意佢地既薯菜，因為不是一般的薯條，而係格仔薯，好脆，口感好rich架。而且佢地比好多菜架，份量一定比一般快餐店多幾倍！

- 這是我杯即磨咖啡

，因為我比較喜歡多奶，所以搞成杯咖啡好似奶茶咁樣，但咖啡既香味依然濃陏。

- 最後仲有個細細件既marble cake做甜品，好滿足呀！

咁多好嘢食仲點減肥呀！

Tweet

度身訂做的健康生活

最近和男主角都一起鬧著要減肥，一來是夏天將至，二來是我和男主角都在一天一天的長肉中。再不好好調較一下，真的担心一發不可收拾。但要我好像結婚前天天小心奕奕的吃又好像不能盡興，大有不滿足之感，那怎麼辦？

現在的我就由瑜伽開始，但沒有配合飲食的的運動，極其量只是修修身和不再長肉吧了，要減磅都是要吃得有智慧一點，從今天起都要好好的花點心思設計一些既滿足又健康的餐單了，那今晚食咩餸呢？

Tweet

點食先唔肥？﹝續﹞

昨日有些朋友對我說她的基礎代謝率有成1300卡路里，咁未可以食好多嘢囉

。老友，其實1300卡路里，唔係好多嘢架咋。例如一碟茶餐廳既干炒牛河就巳經成千卡路里，有些食市重手d分分鐘有成2千卡路里，咁就巳經過哂一日既quota。又例如一個普普通通既茶餐廳早餐﹝包括

腸仔+2隻煎蛋+通粉+奶茶(加2粒糖) ﹞都巳經8佰幾個卡路里，咁樣一計，只剩下400-500比午餐同晚飯分，所以好多時我地都會超標的。

其實要減肥減得健康，除咗計計卡路里之外，還要注意進食既速度、時間及內容。速度；一般意見都是叫大家食得慢一點，因為飽既感覺是要由開始進食後20分鐘先會通知到個腦，換據說話即係在這個時間內是唔知飽的，食得太快就會唔覺意食多咗架喇。至於時間，多數有關減肥既文章都會提議小食多餐，用意是keep住個新陳代謝長時間係一個較高既水平，之前既文章都提過代謝率是減肥既關鍵，除了運動之外，這個小食多餐都是一個有效推高個代謝率既一個方法。另外就是臨睡前4個鐘唔好食嘢，原因都同代謝率有關，因為通常人要消化一餐食物約需要4小時，而睡覺時人既代謝率是最低的，所以最好就係睡前等d食物消化哂，咁就可以減少脂肪積聚既危機。最後就是內容，都係個句，要食得均衡，即係食得最多的要是五穀、跟住就係菜，而最少的必定是肉食喇。不過以我既經驗，要減磅減得快就當然係介澱粉質，但萬一食返，個體重又會好快升返，如果要持久保持個體重，含澱粉質的食物是不可缺的，不過當然是會減得慢好多啦，這個trade off就要睇自己既需要喇。另外一個減肥關鍵就當然是運動啦，有咗運動咁就必定事半功倍，會keep得持久一點。

不過，講真這些理論都唔難明，但要實行就真是有點難度，以我和男主角為例，我們都是食嘢十分快的人，20分鐘？！我倆通常10-15分鐘內就食哂成餐飯架喇，所以好多時都硬係覺得未滿足咁。另外，就係要在睡前4個鐘唔食嘢，又是另一難度！所以要把這些理論應用在我倆的日常生活中，睇怕我們都要來個排山倒海的大改革才行呵！

Tweet