前排超忙，當然又係忙緊o個幾樣，功課、考試、工作、新年，今天再BLOG過的原因並唔係因為忙完，而係因為想逃避，我成日都係咁，一要考試就會覺得自己好似有好多其他嘢要做咁﹝註：3月1日我要考試，但仲未有心情讀書，死未！
話說，早幾年我有一段時間迷上了心理學，當時大大話話淨用係買書、上堂既錢都用咗成千蚊有多，當中有一些書都有提及九型人格這套理論。內容大致係每個人的性格都會受好多因素影响，而漸漸形成現在的自己，性格亦會因為環境既改變，所以不同時期、心情都會有可能出現不同的結果，一般既心理測驗是由分式人既行為開始，但九型人格就剛剛相返，它是從研究動機開始的。這是一門相當有趣的學說，不過我都唔記得當時為咗咩嘢原因無再鑽研下去。
直到上星期日電視就剛好就播出有關九型人格的節目，我那個沉睡已久的好奇心，又再燃燒起來，於是就同男主角一起在網上找到這個有關九型人格既網頁，它有對這門學說作出簡單的介紹，亦有提供問卷，問卷有中文(33條)亦有英文(45條)，不太難做。我同男主角都覺得好準，結果我是2號仔，男主角是5號仔。
大家有興趣不防去做下，對了解自己和他人都不錯。
沒有留言:
張貼留言