Triple O's

上星期在一個網友的BLOG中見到佢在一間名Triple O's的貴價快餐店的相！好吸引！經一輪資料搜集後，決定在上星期六返學前，特地約埋男主角到這間位於金鐘Great food hall的快餐店去撐枱腳。
雖然價錢唔平，但佢地的漢堡包、薯條的確好有份量，對於我這個要控制飲食的準新娘來說真係唔可以咁放縱！所以我都只係order咗個田園沙律，Great的新鮮西柚汁一大樽！而男主角就當然好少理，order咗個BC Burger餐同埋Great的新鮮西瓜汁一大樽。個餐就有一杯薯條，一個睇落唔算大得好過份，但食落都唔少嘢的煙肉、芝士牛肉漢堡包！同埋一杯cream soda汽水。
我當然都有share一下男主角o個份餐啦，佢地的burger果然名不虛傳，多汁、多料同埋夠哂新鮮熱辣！仲有香脆添！香脆？無錯因為佢地的包係焗過先架！Yummy！而佢地的薯條又係我最愛的粗條連皮的一種，你可以加$5，要埋佢地的牛肉汁來沾薯條一起吃，都好特別。不過我個人就覺得牛肉汁來沾薯條好似咸咗少少，我比較喜愛就咁食！
遲d等我清清地咁食咗一個星期健康餐，咁我就會再去食一次，咁我當然會食佢地的Burger餐，仲要試埋地的奶昔，因為聽聞奶昔都好出色架！
p.s. 除咗Triple O's的burger外，Great的新鮮果汁系列都相當不俗！佢地有好多唔同的生果汁！大多都係無加糖和水，夠新鮮、夠健康和夠真材實料呀！仲有佢地的果汁樽的外型係一個啞鈴！好得意架！

Tweet