一直用開艾瘋3GS既我原先唔係好大意慾upgrade上艾瘋4，原因係我部3GS都係用咗1年左右，好新喎，換機有點浪費！但電車男男主角很想換，ok ok見佢平時都唔係亂使錢，再加佢開心，就有佢囉。
因為我倆與數字電訊有合約，但仲有成年先可以甩身，數字台有幾好，真係唔想多講，我地只係唔想"加監"(續約)，所以決定直接响Apple訂。8月中我們兩部艾瘋巳經送到，不過當時水貨炒得火熱，每部可以賺成仟幾接近二仟元，所以放咗，之後我們又再訂過，諗住如果到收貨時仍然有仟元以上可以賺的話就照放，否則就自用。上星期初(6/9)，緊貼市場的男主角話部艾瘋水貨價竟然仲可以比我地第一次放時貴咗少少。咁好ok喎！打算今次收機後再放，怎料星期二、三(7/9, 8/9)局勢有變，水貨鋪聯合唔再貴價收機(比之前平咗成仟蚊)，我啱啱星期四(9/9)先收到Apple送來的艾瘋4。噢！遲咗一、兩日咁就錯失了最好的出貨時機！左計右計之後，最後決定賣埋自己用緊那部3GS，貼咗仟幾元就留返部艾瘋4自用！
個OS upgrade咗之後，舊的3GS既速度大不如前，新既艾瘋快咗好多，加上鏡頭和screen都upgrade咗好多，好開心，不過如果可以比我賣多次賺多仟多元，等我可以免費upgrade會仲開心囉！
*** 事態發展 (15/09/2010) ***
話說响星期上一、二，男主角見個水貨價又高，再加上我訂那部艾瘋就到，於是再訂多兩部32G當投資，無諗過一個星期後的昨天，竟然有貨收，一般出機都要兩個星期以上，唔知點解咁快會貨？Anyway，而家有貨都ok啦。昨天個價雖然唔係好高，但都叫做好過上星期尾，圍起每部都賺成仟元，就係咁男主角就放埋！而家我和男主角部機唔使貼錢換喇！真係Very Good呀！
而家訂艾瘋搞都好似抽IPO咁，唔係，應該係好過抽IPO先真，真係多謝祖國這個咁大既市場support我免費upgrade我地部艾瘋！
資料來自香港食物安全中心，同埋食物包裝上的標籤，以上食物營養不是100%準確，但都可以作參考。
