雖然之前一晚努力在facebook update 我倆在日本的所見所聞，又搞到當地時間成點鐘先瞓，但我仍然能夠一早起來﹝當地時間6:15﹞，可能是懷著又興奮、又輕鬆的心情去遊山玩水，所以即使睡那麼少，我仍然精神奕奕。起來第一時間上facebook，因為見大家對我倆的遊踪甚感興趣，所以我又update得特別起勁！其實無論是在facebook update status，又或是在這兒寫網誌，有讀者都會令我寫得特別起勁！
是日重點節目是賞櫻，目的地是上野公園，男主角為了把美麗的櫻花留住，特地帶了一大堆攝影器材，可惜忘了帶walkie talkie，所以我被迫要跟實佢，見佢影得咁起勁，咁我又影囉，原來影相又真係幾好玩的。
在上野公園除了櫻花，還有很多小攤檔買食的、玩的、和一些手工品、紀念品，好像嘉年華會咁。我比較為食所以對食的特別留意，例如有真係成條粟米咁燒既粟一燒、四處都有既關東煮、味曾魷魚、燒丸子、炒麵、章魚燒、北海道牛油薯仔、炸意大利粉、炸雞腿、飯團、朱古力香蕉、軟雪糕、仲有好多好多。
午後，我倆就在上野搵食，以往到日本，上野都係最尾一天才會來，因為我們都在這兒轉車到成田空港，今次因為影櫻花，所以留在上野的時間長了很多。午飯我們到亞美橫町間鉄火丼，佢地既魚生飯有好多選擇、又平又有質素！
亞美橫町既鉄火丼，原來係築地直送，不過當然無築地咁好食，不過同時亦平過築地，一分錢一分貨啫，我覺得都抵食架！
我的午餐：因為行程上，我們翌日會去築地食壽司，所以我選了簡簡單單的香蔥吞那魚腩加溫泉蛋飯，嘩日本既溫泉蛋真係好食到呢唔知點形容，你睇下個蛋既生熟度剛剛好，我真係好想知點先可以整到咁，有無朋友可以教下我？
男主角的午餐：我就覺得無咩特別，食魚生就當然要去築地食d質素好d架啦。
逛完上野就同不折不扣的電車男﹝即男主角﹞去了秋葉原朝聖，一直到食埋晚飯先返旅店。是日既飯在一間又係四圍都有既天扶良店──天丼，他們的天扶良同烏冬好食到不得了，而且又係平靚正之選。上次遊日無光顧天丼，搞到我成日都好掛住佢，所以今次食返好似了咗件心事咁！好滿足呀！
我的晚餐──櫻花蝦小天丼配冷烏冬，我覺得冷烏冬比熱的好食呀！盛惠820円
男主角的晚餐──天丼配熱烏冬﹝大盛﹞，盛惠1130円，男主角記住喇，大盛係加底﹝多d麵、飯﹞，而唔係多餸架！
最後返池袋，行行Sunshine city附近的小商店，shopping 咗一會就回旅館update 我的facebook喇！這天我們一共行了12-13小時，計一計原來是比我們在香港一個月所行的路的總和還要多！原來自由行都可以令自己做多d運動！真係有益身心呀！
あなた、お誕生日おめでとうございます。おいしい
