响2千幾年前既今日，一位對人類有深遠影响既救世主準備誕生，大家在狂歡時都唔好唔記得祂的愛呀！
Merry Christmas to all of you!
2009年12月24日 星期四
2009年12月21日 星期一
一個對
時間倒數到12年前的今天，當天你邀請我去欣賞電影The Game，你我相約在尖沙咀地鐵站集合，一直以為是一班同學一起去看電影的我，一出閘只見到帥氣的你穿著整齊的西裝，那一刻我才驚覺原來有些事情正在發生中。我還記得當天我頸上架著立體古典米老鼠造型的領巾，傻更更的走到你面前，然後一起去電影院，是港威嗎？我巳經忘記了，只記得戲院中間有兩道樓梯供人出入。The Game很精彩，但我發覺你並沒有專心欣賞這套十分精彩的電影，請老老實實吧！你究竟有沒有睇戲？
散場後，我們到了味千拉麵吃晚飯，你當晚點了鰻魚飯，你12年如一日都是那麼喜歡鰻魚飯，早前我上了一個關於婚姻及戀愛的心理學課程，老師說每每都只點某幾樣菜式的男仕是最適合做老公的！
當晚你送我回家，1個小時多的車程，我心卜通卜通地跳著，你是否也一樣？
那天我們正式成為一對，就這樣我們一起走過12年了，從1997走到2009，剛好一個對。願往後我倆每一個對都雙雙對對！
2009年12月8日 星期二
Hello Kitty 35th Charms
好耐都無試過咁癲去儲印花、換公仔，依稀記得上次換公仔巳經係好多好多年前麥當當既 Hello Kitty 和 Dear Daniel couple 公仔，當時我還剛剛和男主角無幾耐，計一計都係無十年都有八年之前既事了！
最近我無意中發現7-Eleven竟然有套相當精緻的charms吊飾！其實開始時我都是相當刻制的！打算只買條手鍊帶下就算，印花既嘢儲到就儲，無謂夾硬，因為7仔d嘢多數好貴，無咩好買，再加上如果要換哂成套，真的價值不菲。
怎料朋友們早幾日在7仔買咗好多嘢，知我對d印花好有興趣，於是一次過比咗26個印花給我。由這刻開始，我沉醉於換公仔的生捱之中！男主角提意要善用朋友的心意﹝即那26個印花﹞，於是決定用5個印花+$20咁換一個吊飾，之後男主角又幚我儲d、同事又比d我、再加埋手鍊和電話繩包咗的5個，我而家巳經有10個吊飾，還有12個印花。嘻嘻，原來逐個儲都幾好玩，因為唔知自己會抽到邊一個，開盒的一刻很期待呢！
我怕會無得賣，所以推出手鍊的第一天，我7點幾就起床走落街間7仔買，點知一個人都無，我估我分分鍾係佢地第一個買手鍊的客人，男主角笑我太緊張，不過我又覺 得我買咗之後安安落落再瞓過唔好咩？不過唔好睇好似好多咁，其實佢只係包3個吊飾連一個牌仔咋，不過那3個吊飾連埋個牌仔都不存在於圖中！所以上面幅圖只供參考架咋！
其實自從換咗iPhone後電話繩對我來說都無咩用，所以一直都無打算換這個，怎料儲儲下上咗癮，最後响今日lunch時換埋，我諗我都係時候搵個可以掛電話繩的iPhone套了！
成套35個，掛起哂係唔係好靚呢！Poster中那個Kitty架，將於12月24日早上8:00推出，要買滿$20東西+$199先有得換！我必買。
想睇清楚d可以去7仔個官方裝圵：
http://www.mybeedrive.com/dev/7_11/fb_hellokitty/edm_091202/index.html
訂閱：
意見 (Atom)