自從2000年買了第一間安樂窩，我和男主角都有買家居保險的習慣，我大大話話買咗9年，但就從來無claim過。上星期約了幾個姐妹聚聚舊，順道讓我渲泄一下我失戒指之痛，席間朋友突然提醒我，我掉失了的婚戒可能都受保於我的家居保險，靈光一閃，立刻致電回家叮囑男主角check下受保范圍，可幸的是我遺失婚戒的一天剛好受保於一份保障較廣而我又剛好在8月尾完的家居保。
其實我好難為一隻咁有記念價值的東西找代替品，不過如果真的可以claim到保險，感覺好像在失落中找到一點點的安慰。現在這刻才明白保險原來都有安慰作用的呀！
又話百年難得一見既金融海嘯既？又話經濟點樣唔好既？我星期天去Van Cleef & Arpels睇下而家我隻2.5mm Toujours婚戒幾多錢，點知加咗37.5%，成為$6600﹝當年我買時都係$4800﹞！我而家十五、十六，一方面唔捨得無啦啦要洗多筆錢，但另一方面我又好想買過一隻當作補償返那心靈上的缺失，不過諗深一層，即使再買都唔係當初的一隻，咁諗又好似無咩意義咁，點好呢？
其實我當年結婚時買多咗另一隻pink gold的4mm Toujours，雖然唔係platinum，但一樣是與男主角同一個款式的，我係唔係應該唔好咁浪費，就用這一隻補上呢？
在Internet找我隻戒指資料時找到以下的information，我開始明白點解貴咗咁多，除了貴金屬升值了之外，我相信係當年我結婚時佢地都仲未咁重視wedding band既市場。但而家VCA發展埋wedding band既市場，所以多了很多宣傳既文章，宣傳多了，成本貴了，加價似乎是必然的呵！
********************************************************
Toujours ─ 如常
Toujours有著“如常”的意思，婚戒為新穎簡單設計，同樣適合男性與女性佩帶。戒身寬度為2,5 mm、4 mm及 5 mm，特別受到男性的歡迎。另有華麗的版本，在指環的中央加以一顆鑽石。
【後記】
原來我記錯了戒指的價錢，我當時是以$4800買的，現在要$6600，加咗37.5%才真！
我認我一向都係大頭蝦，學老媽話齋掉失東西是我的天性，但我的確對我的婚介很在意。所以我巳經養成不會除下介子去洗手，每晚一回家我都會習慣把它放在同一位置，每朝臨出門前都會在同一位置取回然後帶上才離開家門。可惜我如何小心都好，昨天午飯前發現我的介子不見了。這隻陪伴了我過了2年9個月零1日的介子就係咁無聲無色地離我而去，好唔捨得呢！
今早特地帶同電筒仔，早一點回公司來過案件重組和地氈式搜索。齊理過記憶後，我相信介子是在昨天早上約9:35至10:38這段時間內掉失的，我記得我昨天回到公司，因覺得介子太緊，所以曾經在自己的坐位中除過出來。接著如常食早餐，印像中記得食早餐時弄污了手中的介子，惱子曾閃過要不要去洗一洗隻介子，但之係就沒有再見過它的踪影。細心回想，我沒有洗過介子的記憶，我相信我昨天太忙，應該沒有空閑去洗介子的。
介子呀！介子！你在那裡呀！快d出返黎啦！
【後記】
經我重組案情後，件事應該係我食早餐時整污糟咗介子，於是順手攞紙巾抹下，點知就在這個時候一個無謂人係咁同我講嘢（係咁咬住唔放嗰種），那一刻帶在手中的介子就甩咗出來，跌入我的右手中，剛巧我右手又拎住張紙巾，而我爲咗唔想被那個人煩，於是走入廁所，點知我一入廁所就順手掉走手中的紙巾（當時連埋隻介子）。食完晏回來呀嬸已經清埋咗d垃圾，所以搵唔返喇！我隻介子好可憐呀！嗚嗚嗚！
