新地，正在休息中．．．

新地下個月13號就6歲了，佢細個時我好想牠和拖肥生d bb比我地玩，但牠們相處了差不多6年也不能培養出愛情，咁就無謂勉強啦。做完手術的新地很累，醫生說牠要休息10、8天才可以跑跑跳跳，為免拖肥和牠有所碰撞，這段日子就要分隔佢地了。新地希望你可以快快痊瘉啦！

Tweet

放完假了．．．

為甚麼快樂的時間過得特別快？一連四天的Easter Holiday就放完了。放了四天，我也狠心放下了工作，只管好好休息。這幾天除了小學同學的BBQ約會外，其餘的活動就是聖週六和主日到聖堂唱歌慶祝耶穌的復活。

明天一早又要回公司努力工作喇！加油呀！

Tweet

Low GI

最近大家有無留意減肥界有一個好hit既新Term叫“低GI”或“Low GI”，其實GI就是Glycemic Index，即升糖值。高升糖值的食品會令自己在短時間內血糖升高，低升糖值就會令血糖比較平穏。升糖值對糖尿病病人好重要，因為他們的Insulin分泌有缺憾，當Insulin因高血糖而增加分泌時，肥胖就係隨之而來的副產品，肥胖的人又會令糖尿病病情轉壞，所以Insulin分泌有缺憾的人就要特別留意血糖值，食多一點“Low GI”既食品，少食一點“High GI”食品，咁就最好啦！

其實“Low GI”飲食唔單單適合糖尿病病人，也適合我這種荷爾蒙分泌有問題的人。以我的case為例，控制血糖亦可以減輕荷爾蒙失衡時的影响。﹝相關網頁一、二﹞

咁咩嘢食品係“Low GI”呢？咩嘢係“High GI”？簡單分類的話“Low GI”食品是那些需要長少少時間先可以消化到既食品，如糙米、生果、蔬菜。而“High GI”就係那些好快就能被吸收的食品，如白米飯、果汁、蜜糖等等。如果進食一些高GI的食品時連同一些較低GI的食品一起進食，咁都會降低整體既GI值，例如，如果要吃一片多士，咁食片加咗花生醬既多士係好過就咁食一片淨多士或多士加果醬架，lee d概諗真係唔講都唔知喎！

其實在剛過去的星期二晚無記的東張西望也有講相關的topic，大家有興趣的話可以去睇睇！原來唔講唔知，翻熱的冷飯的GI係高過新鮮的，白粥既GI值係米飯類中最高的。咁我以後都係食小D粥和lunch就唔好帶飯返去喇，可能要轉行食三文治或沙律，再唔係意粉都ok啦，又或者帶少D飯多D餸都好啦。

我“Low GI”咗幾日﹝加埋每日運動﹞，的確輕咗好多，這個keep health大計似乎方向都幾正確，我繼續努力架。

當然好人好者無事無幹的人是不需要太在意GI值的，只要食得勻衡，做下運動，咁就好ok架喇。

Tweet

從新出發

很久沒有出post，原因是人又忙、心又忙，加上這幾個月都發生咗好多事，所以真的提不起勁去出post。

過去這3個月，我總算settle咗好多事了，亦重新一步步的找到自己的目標和定位，希望閉關完的我會有所成長，再有能力過多幾關。

之前成日都話減肥，但減極都係肥，仲越來越肥，我知全生果加菜餐一定減到磅，但咁食法唔餓死都悶死，實在唔想。其實我心知再咁肥落去真的唔對路，但又沒有頭緒可以點做，原來打算放棄唔理住，點知比我發現我原來荷爾蒙分泌有問題，它令我很難控制體重。

知道的一刻我很沮喪，因為荷爾蒙分泌可以影响好多事，它的出現令我放低我一些我堅持了很久的願望/計劃。開始的一刻的確很depress，感覺所有事都亂了，不知自己下一步應該點做。幸好無意中給我聽到一首歌─「放心」，它是一個基督徒網絡歌手Agnes man唱作的，歌詞提醒我要放心交托給天父。可能我和這歌遇上不是“無意中”的，我深信她Agnes應該是天父為我所安排的天使之一。我就是這樣，總是認為自己是萬能的，當事情並不如心中的計劃去發生時，就會很焦慮、很沮喪，可惜越焦慮越沮喪就必定越壞事，最後可能連僅有都失去，實在不值得。

而家一切已從新出發，没有再堅持甚麼，只要緊記每天有祂、他、她、她們甚或他們同行，一切即使不是像計劃中一樣的發生，但仍可以開心地過每一天。

Tweet